Kli Smalkanka 1:28 - DAWAN BÎLA AISKA

²⁸ ¿Nanara, yawan na anira waia? Wan tasbaya luhpia nani wan wisa baha tasbaya ra waitna kau karnakira nani bâra sa, witin nani sin kau yari yawan wal; tasbaya nani kir ba tawan tara nani bâra sa, baha sin purara pali kutban sa. Upla nani yari tara Anac kiamka ba sin kaikan bâra sa. Bara baha sut mita yawan sibrin wan kupia lap tiwan.’

Kli Smalkanka 1:28 ပူးပေါင်းရင်းမြစ်များ

Blasi Sturka 11:4

Bara witin nani win ai walka nani ra: “Man nani bal, kaisa yawan tawan tara kum paskaia, bara utla karnakira purara pali sin kum mâkaia, watla bahna ba kasbrika alkaia praiska kat, bara baku natka ra yawan wan nina ba tara kulkan kabia, bara tasba mawanra sin yawan nani ba yakabrira baman tauki kabia apia.”

Impakan Sturka 15:15

Kiaptin nani Edom ra ba wingka prahni taki kabia; Moab ra wihta nani ba sibrin tara dauki tatatwi kabia, bara Kenan uplika nani kupia karnakira ba sin, lap tiwan kabia.

Aiseya 13:7

Baha ra upla sut klahkla karnika âpu takbia, upla kupia bani ba sin dring swapbia.

Isikiel 21:7

Bara ban kra mamkabi walbia kaka, dîa muni inisma, wis diara pat pali takaia ba dukiara, bara upla nani sut ba kupia ba kriwan kabia, bara klahkla ba swika kauhbia; bara upla kumi sin karnika âpu kabia, sut ba sibrin mita lula nani ba tatatwi kabia. Pat piua aula, pat pali takbia. Yang Dawan, baha kasak aisisna.”

Kli Smalkanka 1:29

“Baku kan ba ra, yang pana man nani ra mai wîri: ‘Man nani bin daukpara, man nani sin si bripara.

Kli Smalkanka 2:10

(Ar tasbaya ba, blasi pali piua ra emita nani bâra kan, upla ailal kan, upla tarka tara nani, nana yari, Anac masraka talia uplika nani bâra iwi kan.

Kli Smalkanka 20:20

Ban sakuna, dus mâ âpu nani ba lika klaks, kan baha ba man nani aiklabisma ba kainam kahbaika kabia, baha tawanka man nani mihtam ra aimakbia ba kat.

Kli Smalkanka 20:8

“Ba ningkara lalka nani ba kli aiklaklabra tâ bri nani ba ra wibia: ‘Upla kum kra kupia karna apia, sibri upla wala ra sibrin dingkisa kaka, ai watla ra wabia.’

Kli Smalkanka 7:17

“Ban kra man nani lukma: ‘Yawan nani wal naha nisanka ailal sa; ¿nahki sip kabia yawan kangbi sakaia?’

Jasua 11:22

bara baku Anac upla tara kiamka kumi sin raya swiras, Israel tasba piarkika ra iwi kan nani ba. Anac kiamka tara Gaza ra, Gat bara Asdod ra iwi kan nani baman takaskan.

Jasua 14:8

Yang wal wan upla nani ba mita uplika nani yan sirang iwan, sakuna yang ban kasakki lukanka lâka ba wal Gâdki bara Dawanki ra briri.

Jasua 15:14

Caleb baha tawanka wina Anac kiamka nani yumhpa ra kangbi sakan, baha nani nina mâki kan Sesai, Ahimán bara Talmai.

Jasua 2:11

Baha sturka walri ba ra yang nani ra sibrin tara ai dingkan sa, upla kumi sin man nani mampara sip bubia apia. Kan Dawan, man nani Gâdkam ba, kasbrika purara ba baku naha tasba ra sin witin ba Dawan sa.

Jasua 2:24

Witin nani sin win: “Tasbaya aiska ba Dawan yawan wan mihta ra mangkan sa. Yang nani wari ba tâka, nanara upla sut ba pruaia prais sibrin daukisa.”

Jasua 2:9

—Yang daira walisna Dawan mita naha tasbaya na pat man nani mihtam ra mangkan sa, witin mita upla nani na pat man nani sibrinkam dingkan sa. Man nani nâra balram na dukiara upla sut na pat sibrin bla pruisa.

Wihta Nani 1:10

Bara Hebrón tawanka ra Kenan uplika nani bâra kan ba wal sin aiklaban, blasi piua ra Hebrón nina ba Quiriat-arbá mâki kan, bahara Sesai, Ahimán bara Talmai ba pura luan.

Wihta Nani 1:20

Hebrón tawanka Caleb ra yaban, Moses bîla pramis win kan ba baku, bara Anac luhpia waitna nani yumhpa bâra iwi kan ba Caleb bui baha wina sakan.