Kli Smalkanka 1:18 - DAWAN BÎLA AISKA

¹⁸ “Baha mai smalkatna ba piua ra, yang sin mai wîri wark wala nani ba sin sut, man nani nahki dauki kaia sma ba.

Kli Smalkanka 1:18 ပူးပေါင်းရင်းမြစ်များ

Impakan Sturka 18:20

Bara man upla nani ra lâ bîla smalkanka nani smalkaia sma, bara witin nani sin wali tânka briaia sa nahki ai rayaka ra iwi kaia bara dîa dauki kaia ba sin.

Impakan Sturka 18:22

Bara witin nani mita upla nani lâka ba aisi dauki kabia piua bani ra. Bara trabilka tara nani ba lika man ra bri balbia, sakuna trabil sirpi nani ba sut lika witin nani mita lâka ba dauki kabia. Bara baku dauki natka ra, man baha wirhika brisma ba wiria ingni sâkma. Witin nani hilp mai munbia baha wirhika ba bri waia.

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Apastil Nani Sturka 20:20

Sakuna takaskras mai smalki katna man nani ra dîa dîa man nani yamnikam kaia ba dukiara, ban tawan bilara, wamtla nani kat sin.

Apastil Nani Sturka 20:27

kan yang bui man nani ra Gâd ai kupia ra luki dukia nani ba tânka yukukras param pali mai wîri.

Kli Smalkanka 12:28

“Yang dîa man nani ra mai wîri ba alki dauks, bamna man nani bara luhpiam nani ra sin, ban yamni baman waia dukiara, Dawan nakra ra wapni baman dauki kapram ba mita.

Kli Smalkanka 12:32

“Ban main kaiki bri, yang dîa mai wîri ba alki brih trai kaiks daukaia, pura prakaia apia, dakbi sin sakaia apia.

Kli Smalkanka 4:40

Ai lâka bîla nani naiwa maikisna na, man nani dauks, bara yamni kama, kiamkam nani ra sin. Dawan Gâd bui kuntrikam ban kaia ra maikuya ba ra pruras mani ailal raya banhwi kama.”

Kli Smalkanka 4:5

Yang lâ nani bara lâ daukaia ba mai smalkri Dawan Gâdki wina aikan ba. Ani kuntrika ra dimma ba, bahara smalki kaia.