Judas 1:21 - DAWAN BÎLA AISKA

²¹ Gâd latwanka lâka ra ban bas, bara bîla kaiki bas wan Dawan Jisas Kraist mita ai kupia pihni lâka ra, raya ban kaia lâka ba wankbia.

Judas 1:21 ပူးပေါင်းရင်းမြစ်များ

Job 14:14

Upla kumi ba prubia ba ra, ¿kli raya takaia sip sa ki? Piua bani ra yang lika bîla kaiki kamna, warkki ba ban bâra kabia, latwan wahwanki piua ba lubia, maisa nihkra balbia ba kat.

Jan 1:17

Gâd mita lâ ba Moses bâk yan kata; sakuna latwan lâka bara kasak tânka ba lika, Jisas Kraist bâk baman lika sip kata.

Jan 14:21

Bamna ani uplika lâika nani tânka brisa bara bîli kat wali daukisa kaka, witin param marikisa yang ra latwan ai kaikisa. Latwan ai kaiki uplika ra, Aisiki latwan kaikbia, bara yang sin latwan kaikamna, ban sin witin ra latan takamna.

Apastil Nani Sturka 11:23

Bernabé bahara wan ba ra, kaikan nahki Gâd upla nani ra ai yamnika yaban ba, bamna witin lilia kan. Bara mahka upla nani ra smalkan ai kupia aiska ni Dawan ra kasak lukaia tânka.

Roman 5:21

Naha na baku takan, saurka ba prura bri balaia karnika bri kan ba baku, Gâd kupia yamnika ba mita yawan na Gâd mawanra kasakkira wan kulkaia karnika bri kaia bara raya ban kaia lâka ba wankaia, wan Dawan Jisas Kraist bâk.

Roman 5:5

Bara naha wihka bîla kaikaia lâka na mita, swira wan paskras sa, kan Gâd mita Spirit Holikira wankan ba bâk ai latwanka lâka ba wan kupia ra banhkan.

Roman 6:23

Saurka ba mita mana baku wanki ba lika prura, sakuna Gâd wina prisantka ba lika, raya ban kaia lâka Kraist Jisas wan Dawan wal asla.

Roman 8:39

purara ba, tihu pali ra ba sin apia, bara diara wala sut Gâd daukan ba mita sin, sip apia sa. ¡Gâd ai latwanka lâka wan Dawan Kraist Jisas param wan marikan ba wina dakbi wan sakaia dukia kumi sin âpu sa!

2 Tesalonaika 3:5

Dawan mita tâm baikbia latwan kaikaia, Gâd latwan kaiki baku, bara Kraist bapi buanka lâka bri kaia pât wahwanka ra.

1 Timoti 1:2

Timoti, man kasak lukan lâka mapa ra luhpi kasak pali sma ba, naha wauhkataya mai ulbisna. Gâd wan Aisa bara Jisas Kraist wan Dawan ba mita man ra ai yamnika maikbia, umpira kaikan lâka bara kupia kumi lâka sin.

2 Timoti 1:16

Dawan Onesíforo watla uplika ba ai yamnika yabia, kan witin aima manis hilp aikan, bara yang silak ra sna ba dukiara sin ai swira lukras kata.

2 Timoti 1:18

Dawan mita yaka ai yamnika bri ba, witin bribia baha yua ra. Man pat pain kaikisma witin nahki hilp ai munan ba Epesus tawanka ra.

2 Timoti 1:2

Luhpi laitwankira Timoti, naha wauhkataya mai ulbisna. Gâd Aisa bara wan Dawan Jisas Kraist wal mita, ai kupia yamnika lâka, umpira kaikan lâka bara kupia kumi lâka sin man puramra laikbia.

2 Timoti 4:8

Bara nanara lika kasakka lâka prisantka ba, yang duki wisi sunan sa; bara baha ba Dawan mita, witinka lâ wihta kasakkira ba, baha yua ra aikbia. Bara yang ra baman lika aikbia apia, sakuna ani uplika nani latwan lâka wal witin balaia ba bîla kaiki nani ra sin.

Hibru Nani 9:28

Baku sin, Kraist ba aima kumi baman sakripais dauki yan kata, upla ailal saurka nani brih sakaia dukiara. Bara witin kli aima wala bal latan takbia, saurka nani brih sakaia dukiara lika apia, sakuna ai bîla kaiki uplika nani ra swaki sakaia.

2 Pita 3:12

Gâd yua balaia ba bîla kaiki bas, bara trai muns yarka baha ba pat balaia. Baha yua lika pauta mita kasbrika purara nani sut âpu daukan kabia, bara uba lapta ba mita dîa dîa bilara ba sut slilwi lubia;

1 Jan 4:16

Bamna baku yawan sip kan kaikaia bara kasak lukaia, Gâd mita latwan wan kaikisa. Gâd ba latwan lâka sa; bara ya latwan lâka ra iwi ba lika Gâd ra iwisa, bara pana Gâd lika witin ra iwisa.

1 Jan 5:18

Yawan kaikisa ani uplika Gâd ba ai Aisika kulki ba, witin saurka tilara wataukras; kan Gâd Luhpia ba mita main kaiki brisa, bara Sitan mita sip lamara waras sa.

1 Jan 5:21

Luhpi lupia nani, gâd kuninkira nani ba aman kaiki bas.

Judas 1:1

Yang Judas, Jisas Kraist warkka dadaukra bara Jems muihnika ba, naha wauhkataya ulbisna, Gâd Aisa mita latwan kaiki ba bara paiwan ba, baha nani Jisas Kraist mita kan kahbi brisa.

Judas 1:22

Namhpa namhpa luki uplika nani ba hilp muns ai lukanka wapni kat bri kaia.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.

Param Marikanka 12:11

Wan muihni nani witin pura luan sa Sîp Luhpia ba ai tâlia laikan ba mita, diara kasak kat witniska aisi ba mita sin; kan witin nani ai rayaka ba tikaia sibrin âpu, sakuna pruaia lika wilin nani kan.