Judas 1:19 - DAWAN BÎLA AISKA

¹⁹ Bamna naha nani mita sika upla nani aihka aihka dakbi saki ba; witin nani Gâd Spiritka âpu ba mita ai wîna brinka baman bîla wali daukisa.

Judas 1:19 ပူးပေါင်းရင်းမြစ်များ

Sins Lâka 18:1

Witin baman diara briaia luki uplika ba, ai kupia brinka man plikisa, bara upla wala nani smalkanka yamni dauki ba mapara aisisa.

Aiseya 65:5

Witin nani wisa: ‘Man nani bâra takasks, yang laimara balpara; kan yang kau holi sna man ba wal. Baha uplika nani ba sika pauta klauhan aswi ban sa; ai munisa kiasma wan kakma ra kisni dauki ba baku.

Isikiel 14:7

Israel uplika kum, apia kaka upla tringsar kum Israel ra iwi ba, yang laima wina taki wan bara ailal nani bri bara aiska pali tâwan ai pura suni ba, witin ra munan saura dauki bâra kaiki ba, bara baha wina kli prapit kum ra wih ai pura suni ba yang ra ai pura sunaia wisi, yang mita witin ra aisamna.

Oseas 4:14

Sakuna luhpiam mairin nani rug takisa wisi, klala yabamna apia, mulam yaptika nani, ai maya nakra praki banhwi ba sin apia, kan man nani pali sin rug mairin nani ba wal auma bamna; sakripaiskam daukaia, baha mairka nani aikuki asla takisma; witin nani ai pura sunaia lan taki baku ai maya lâka krikaia warkka dauki ba. ¡Sins lâka briaia tânka briras uplika nani ba baku rungwisa!

Oseas 9:10

Dawan aisisa: “Yang lika Israel wal prawri yua ba, lilia ai daukan, sim upla iwras tasbaya ra wain pâwan kan sakan liliaka baku. Man nani damikam nani ba naikra ra kaiki kapri ba kwah mâ disang baku kan. Sakuna witin nani Baal-peor ra wan piua ra bara kuninkira nani ba gâdka ra tawan. Bara witin nani lika upla bahki pali takan, baha aidulka nani latwan kaiki ba wal baku takan.

Roman 8:9

Sakuna man nani lika wîna tara brinka ba daukaia lâka ra raya apia sma, kuna Spirit brinka ba daukaia mika, kan Gâd Spiritka ba man nani ra iwisa. Ani uplika Kraist Spiritka ba briras sa kaka, witin lika Kraist uplika apia sa.

1 Korint 2:14

Spirit âpu uplika ba, Gâd Spiritka prisantka nani ba sip briras sa, kan witin mapa ra baha dukia nani sins âpu baku atia sa. Witin sin sip tânka briras, baha tânka nani ba Spirit ni tânka pliki kaikaia sa bamna.

1 Korint 6:19

¿Kaikras sma ki, man nani wînam tara ba Gâd mita Spirit Holikira maikan ba tempelka sa, bara Spirit Holikira ba man nani ra iwisa? Man nani lika man nani dawanka nani apia sma,

Hibru Nani 10:25

Yawan asla aidrubi lâka dauki ba swiaia apia sa, upla tila nani dauki ba baku. Baku daukaia watlika ra, yawan pana pana wan walka nani aikuki wan tâ baikaia sa, bara kau pali nanara Dawan yua ba pat baila kan kaiki ba.

Jems 3:15

Nahmuna sinska lâka, Gâd wina balras; naha tasba sinska sa, upla lukanka wina, Sitan pali wina sa.