Judas 1:18 - DAWAN BÎLA AISKA

¹⁸ man nani ra mai aisin ba: “Tnata yua nani ra upla nani bâra kabia, diara holi ba dukiara lawaska kiki kabia, bara witin nani ai brinka ba kat baman sin tauki kabia.”

Judas 1:18 ပူးပေါင်းရင်းမြစ်များ

Apastil Nani Sturka 20:29

Bamna kaikisna, yang wamna ningkara, upla wala nani balbia, serts ra upla nani bâra ba sauhkaia, bara sin yul wail prautkira nani mita sîp nani âpu dauki ba baku kabia.

2 Timoti 3:13

sakuna upla saura nani bara upla ra kunin mamunra nani ba, ban kau saura taki kabia, bara upla ra kunin muni nani kabia, bara panaura sin upla nani mita kunin muni kabia.

2 Timoti 4:3

Kan piu kum balbia ba ra upla nani ba smalkanka yamni ba kau lika walan daukbia apia, sakuna ai brinka karna nani nina blîkbia, bara smasmalkra ailal pliki bribia, witin nani dîa walaia want ba baman baha nani mita smalkbia dukiara.

2 Pita 2:1

Bamna Israel nisanka tilara, gâd prapitka kuninkira nani sin bâra kan; baku sin man nani tilamra smasmalkra kuninkira nani bâra kabia. Witin nani ai lukanka ra wan sauhki nani ba, yukuwan lâka ra wan smalkbia, bara witin nani ra swaki sakata Dawanka pali ra sin kulkaia apia wibia; naha na lika witin nani ra pat pali âpu daukaia tânka sa.

2 Pita 2:10

Gâd mita kau pali klala yabia, baha nani ai brinka baman nina bliki bara Dawan karnika sin bahki kulki ba. Witin nani ba kiama karna bara ai bisniska apia ra ban dimisa; ai purara karnika bri nani ba swira paskisa sibrin sin âpu;

2 Pita 3:3

Tâura naha tânka luki bas: Tnata yua lamara upla manis balbia bara diara holikira nani ba lawaska kikbia, ai brinka saura nani ba kat baman iwi kabia swira paskaia luki,

Judas 1:16

Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.

Judas 1:4

Bamna upla tila nani, kunin lâka ni tilara diman sa. Baha nani ulbanka ra pat maisa pakan sa, pât ban kaia ba ai dukia bribia. Baha nani lika upla saura nani sa, witin nani lika Gâd umpira kaikanka lâka ba brih, kunin lâka ra laki wan Dawanka kumi ba, Jisas Kraist ra kulkaia apia wisa.