Judas 1:16 - DAWAN BÎLA AISKA

¹⁶ Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.

Judas 1:16 ပူးပေါင်းရင်းမြစ်များ

Job 32:21

Upla kumi ra sin mayunamna apia, sut lika kumi baku kulkamna.

Job 34:19

Witin mita naha tasba wihtka nani mawan kulkras sa, yuyakira ba kau kulkras sa, umpira ba wal, kan witin mita sika sut ra paskan ba.

Lawana Nani 106:25

ai tintka watla nani bilara, Dawan ra rangbi aisi kan, Dawan bîla adarka nani sin wali daukras kan.

Lawana Nani 15:4

bahki kulkan uplika ba witin bui bahki kulkisa, sakuna Dawan ra kulki uplika nani ba, witin kulkisa; witin trabil briaia kat sin swer takisa, sakuna ai kupia aihka lakras;

Lawana Nani 17:10

Witin nani batanwan ba mita tanis lâka praut aisisa.

Lawana Nani 73:8

Lawaska kikisa, praut lâka ni bara sinska lâka wal upla ra watawi munaia man plikisa;

Sins Lâka 28:21

Yamni apia sa upla ra mâyara kulkaia ba, plun yuya kum pali dukiara, upla ba saura daukaia sip sa.

Aiseya 29:24

Aimawahkan nani ba sins briaia lan takbia, rarangbra nani ba sin lâ smalki yan ba witin nani lan takbia.”

Libait Lâka 19:15

“Lâ kat upla lâka daukisma ba ra, kli warha daukpara: upla mita kulkras ba ra sin tâ baikpara, karnika tara bri nani ra sin bawpara. Sakuna lâka ba kasakka lâka dauks.

Kulki Kaikanka 14:36

Tasba ba wih kaikan waitnika nani Moses mita blikan kan ba, witin nani kli tawi balan ba ra upla nani ra kupia tuski banhwan, Moses mapara aisaia, tasbaya ba dukiara sin saura aisaia.

Kulki Kaikanka 16:11

Eran ba ya wisi witin mapara saura aisisma ba, kasak pali sa man wihki uplikam nani aikuki Dawan mapara si brisma.

Kulki Kaikanka 16:41

Yu wala Israel luhpia nani sut kli Moses bara Eran mapara aisin: —¡Man nani mita Dawan uplika nani ba ikisma!

Luk 15:2

Bara naha dukiara, parisi nani bara Lâ Smasmalkra nani sut Jisas mapara brukwi, aisi kan: —Naha waitnika upla saurakira nani ba ai lamara brih, aikuki sin plun pîsa.

Luk 19:7

Naha kaiki, upla nani mahka brukwi aisin, Jisas ba upla saurakira watla ra takaskaia wan.

Luk 5:30

Sakuna parisi nani, Lâ Smasmalkra nani ai lukanka kumi bri ba aikuki, Jisas disaipilka nani mapara aisi, naku win: —¿Dîa kan pisma bara disma man nani Rom ra lal mana saki bliki uplika nani aikuki, bara saura dadaukra nani sin?

Jan 6:41

Naha aisin ba wali, Ju nani Jisas mapara rangbi aisin banhwan, witin naku aisin bamna: “Yang sika kasbrika purara ba britka sna naha tasba ra bal iwri ba.”

Jan 6:61

Bamna Jisas kaikan naha dukiara ai disaipilka nani ba rangbi aisi kan, bamna makabi walan: —¿Naha na minam batakisa ki?

1 Korint 10:10

Gâd mapara sin brukpara, wan damika tila nani brukwan ba baku, bara Prura Insalka ba mita baha nani iki tikan ba.

Galesha 5:16

Bamna yang mai wisna: Man nani Spirit mita raya bas, wînam brinka saura nani ba dauki âmyapah kaia tauki kama apia.

Galesha 5:24

Bamna ya Kraist uplika sa kaka, uplika wîna brinka nani ba sut witin ai dusa prihni ra saban sa.

Kli Smalkanka 1:27

Bara man nani tintkam watla ra brukwi aisaram: ‘Dawan ba wan wantka apia sa; Idsip wina wan saki amorreo nani mihta ra wan mangkan, âpu wan daukbia dukiara.

Pilipai 2:14

Diara nani sut brukras bara blahwan sin âpu dauki bas,

1 Tesalonaika 4:5

Gâd ra kakaira apia nani, ai maya mairin nani ra brinka karna ni bara lukanka saura ni bri nani ba, baku lika apia.

1 Timoti 6:5

upla nani sinska aihka takan ba tilara sin blahwan bahki nani baman takisa, bara witin nani ba kasak tânka ba kakaira apia sa. Witin nani lukisa, Gâd ra luki kaia lâka ba bâk yuyakira nani takaia sip sa.

2 Timoti 4:3

Kan piu kum balbia ba ra upla nani ba smalkanka yamni ba kau lika walan daukbia apia, sakuna ai brinka karna nani nina blîkbia, bara smasmalkra ailal pliki bribia, witin nani dîa walaia want ba baman baha nani mita smalkbia dukiara.

1 Pita 1:14

Luhpia kiama lihni nani baku bas, bara kau Gâd ra kakaira apia katma ba ra, brinka karna nani bri kapram ba, kli daukpara.

1 Pita 2:11

Laitwankira nani, man nani ra bik takisna, man nani naha tasba ra impapakra tringsar nani baku, wan wîna brinka nani wan sulka mapara aiklabi ba, dauki banhpara.

1 Pita 4:2

kau naha tasba ra kabia piua ra, upla wîna brinka nani kat kli daukaia apia, kuna Gâd kupia lâka kat lika iwi kaia.

2 Pita 2:10

Gâd mita kau pali klala yabia, baha nani ai brinka baman nina bliki bara Dawan karnika sin bahki kulki ba. Witin nani ba kiama karna bara ai bisniska apia ra ban dimisa; ai purara karnika bri nani ba swira paskisa sibrin sin âpu;

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.

2 Pita 3:3

Tâura naha tânka luki bas: Tnata yua lamara upla manis balbia bara diara holikira nani ba lawaska kikbia, ai brinka saura nani ba kat baman iwi kabia swira paskaia luki,

Judas 1:15

upla nani sut lâka daukaia, saura daukan nani ba saurka mana pât ra lulkaia, ai saurka nani daukan ba tâka mita, baku sin bîla karna nani witin mapara aisin ba tâka mita.”

Judas 1:18

man nani ra mai aisin ba: “Tnata yua nani ra upla nani bâra kabia, diara holi ba dukiara lawaska kiki kabia, bara witin nani ai brinka ba kat baman sin tauki kabia.”