Judas 1:12 - DAWAN BÎLA AISKA

¹² Man nani aikuki pana pana latwan lâka ra lilia dukia daukisma ba lika, swira lâka pali sa; kan baha liliaka ra witin nani pih bara dih lilia takisa, kuna kulkanka lâka lika âpu pali sa, bara sepad nani baku, witin nani lika ai wîna kat baman main kaikisa. Witin nani sin kasbrika nani lî âpu kan, pâsa mita brih auya ba baku sa; dus nani ai piua kat sin mâ sakras kan, ai plamaya wina daikan bara aima wâl pruan ba baku sa.

Judas 1:12 ပူးပေါင်းရင်းမြစ်များ

2 Kronikas 7:20

yang naha tasbaya maikri na wina mai sakamni, bara naha watla holikira daukram ba wina sin, yang maiwan wina lulki mai sakamni, bara nisan sut ba lamwaska kiki kabia.

Job 8:17

Ai wakia nani ba walpa taya purara aiblakwisa, bara ban walpa nani ra prak prawisa.

Lawana Nani 1:3

Bara baha uplika ba dus kum baku sa, awala lamara mangkan ba, ai piua kat ai mâ saki ba, ai wahia nani ba sin srawras sa. ¡Bara diara sut witin dauki ba, yamni baman takisa!

Lawana Nani 37:2

Witin nani inma baku pat pali lâwi tiwbia; ¡twi kura srawi baku srawbia!

Sins Lâka 25:14

Kasbrika nani pâsa wal bâra, kuna lî auhras, baku sa waitna kum ai prisantka dukiara yaia aimayunisa kuna prisantka yaras ba.

Isikiel 17:9

“Bara yang bîli witin nani ra wis: ‘Dawan naku wisa: Naha wainka kiwka na mâ sâkbia apia, yakal kaina manis bal wakia ba daikbia. Bara mâ nani ba yaka kauhbia; upla wiria bara tâ baikanka wiria wal wakia ba daikbia, bara slaunhka raya nani taki ba sut lâwbia.

Isikiel 34:10

kan yang, Dawan, aisisna: Sepad nani, yang waihlam takisni bara yang sîpki nani tâwan mai aisisna; mihtam wina main kaikaia lâka ba dakbuna, man nani ba wînam kat baman main kaiki kama apia; sîpki nani ba dakbi brimna, man nani sîpki nani ba ban pi banhwi kama apia dukiara.’

Isikiel 34:18

¿Aitani apia sa, twi kura yamni nani pisma ba wal, kuna minam ra taibisma dîa kau takaskan nani ba? Lî sangni ba disma, bara kau dîa ba minam ni buhutni daukisma.

Isikiel 34:2

“Man, upla luhpia, yang nini bri Israel sîpka main kakaira nani ba mapara aisas, bara wis: ‘Dawan naku aisisa: ¡Alai kabia, Israel sepadka nani ra, ai wîna kat baman main kaiki nani ba! Sepad nani ba sîp nani ba sika main kaikaia sa.

Isikiel 34:8

Yang, Dawan ba, rayaki wal swer takisni: Daiwan wail sât sât nani ba implikan bara sîpki nani ra pin, kan sepad âpu bamna. Sepadki nani ba sîp nani ba plikaia waras. Sepad nani ba klauna ai mainka kaikisa, kuna sîpki nani lika apia.

Oseas 6:4

Dawan aisisa: “Efraín, ¿man wal yang dîa daukamna? Juda, ¿man wal yang dîa daukamna? Man nani bui yang ra latwan ai kaikisma lâmka ba, titan mukuska baku sa, lalma kahbi kan diwaska laya baku, tisku kan pat lap tiwisa.

Libait Lâka 14:43

“Sakuna watla ba kli bulni takbia sa kaka, walpa raya mangki watla ba wisbi sakan ba ningkara,

Matiu 13:6

Sakuna lapta ba takan, sut aman, bara plamaika âpu kan ba ra, sut srawi luan.

Matiu 15:13

Sakuna witin bila: —Ani dusa Aisiki kasbrika purara ba mita mangkras ba, ai plamaika wina daikan kabia.

Mark 4:6

lapta takan ba ra, ami luan; plamaya aitani apia kan bamna, srawi luan.

Luk 12:45

Sakuna baha albika ba lukbia kaka ai dawanka balaia kata ba kau takaskisa, bara witin mahka alba waitna nani bara alba mairin nani ba pruki rausauhkuya, bara plun pih, diara dih, bla sin takbia kaka,

Luk 16:19

“Yuyakira waitna kum bâra kan, witin kwala painkira nani baman dimi kan, bara yu bani lilia dauki, ai prana ra iwi kata.

Luk 21:34

“Bamna aman kaiki bas, tasba brinka nani ba mita, bla lâka nani mita bara naha tasba trabilka nani mita sin yarka kupiam nani ba karna takbiara, baha piua kra damra walras kaprika mai alkbiara sîa.

Luk 8:6

Mâ wala kum kum lika walpa tilara kauhan, bara baha mâ nani pâwi takan bara srawan, tasba ba lî âpu kan bamna.

Epesus 4:14

Bara yawan na tuktan ban kaia apia sa, witin nani ai natka isi sât wala takisa, ya ya smalkanka raya smalki nani ba payaska ba mita raski brih auya, âuya mâira nani aimawahkan yabalka ra tauki nani ba mita sin kunin munisa.

Pilipai 3:19

piua tnata ra, naha nani sut sauhki tikan kabia. Witin nani gâdka lika ai wîna brinka nani, bara ai swira briaia dukia nani ba watlika ra, kalwi banhwisa. Witin nani ba naha tasba dukia nani ra baman lukisa.

1 Timoti 5:6

Sakuna ani piarkika ai wîna brinka ra iwi nani ba, witin ba raya kabia kuna pat pruan baku sa.

Hibru Nani 13:9

Smalkanka sât aihka nani bara tringsar nani mita yarka yabal kasak ba wina mai brih wabiara. Wan sulka nani ba Gâd kupia yamnika lâka ba karnika bribia ba kau pain sa, plun lâka nani bîla wali daukaia ba wal; baha nani naha lâka nani bîla wali dauki banhwi na wina hilp kumi sin briras sa.

Jems 5:5

Naha tasba ra man nani prana bara tasba dukia pain baman bri kapram, bara daiwan baku batanwisma. Ikaia yua ba aimakan sa.