Jona 2:7 - DAWAN BÎLA AISKA

⁷ Daira walri bara pat prui kapri ba ra, Dawan, man ra kupi tanh krawan; bara puri sunra ba man kat ulan, tempelkam watla holikira ba kat.

Jona 2:7 ပူးပေါင်းရင်းမြစ်များ

2 Kronikas 30:27

Baha ningkara prîs nani bara Libait nani ba ai mina ra bûi, upla nani ra yamni munan; bara Dawan baha walan, bara ai pura sunra ba kasbrika purara Gâd holikira iwi ba kat walan.

Lawana Nani 11:4

Dawan ai tempelka holikira ra bâra sa. Dawan, witin ai iwaika kasbrika purara bri ba, witin ai nakra nani aman param, kasak aihwaki kaikisa upla nani ra.

Lawana Nani 142:3

yang spiritki pali dring swapan ba ra. Dawan, man lika yang yabalki sut ba kaikisma: Baha yabalka, yang wapisna bâk, witin nani bui yang ai alkaia taukisa.

Lawana Nani 143:5

Piua nani luan ba ra kupi kraukisni, bara lukisni man diara sut daukram ba dukiara.

Lawana Nani 18:6

Trabil saura ra kapri yang Dawan ra winri, yang Gâdki hilpka briaia makabri bara witin ai tempelka wina bîli baikra walan; ¡yang inanki nani ba ai kiama ra diman!

Lawana Nani 20:7

Tila lika war truk nani bri ba ra lukisa, tila lika aras nani ba ai karnika kulkisa; sakuna yang nani lika, Dawan Gâdki ba tâiura mangki brisni.

Lawana Nani 22:14

Karniki âpu, lî laikan baku ai daukan; dusi nani sin lukutbaika bani wina aihka sakan sa. Kupi na sin blas baku, yang wîni biara ra slilwisa.

Lawana Nani 27:13

Yang daihra wali kaikisni, Dawan ai kupia yamnika aiki ba kaikamna rayaki yua nani ra.

Lawana Nani 42:11

¿Dîa muni kupi lukanka ba swapni takbia? ¿Dîa muni ban diara luki kaiki kaia sna? Dawan ra bîli kaikanka brisna, witinka ra sin kau ban mayuni kamna ba. ¡Witin baman yang Gâdki, yang Sasakriki sa!

Lawana Nani 42:5

¿Dîa muni yang ban sari kaia sna? ¿Dîa muni ban diara luki kaiki kaia sna? Bîli kaikanka ba Dawan ra yang brisni, witinka ra kau ban mayuni kamna ba. ¡Witin baman yang Dawanki, yang Sasakriki sa!

Lawana Nani 65:4

Yamni pali sa, baha uplika man bâk saki briram ba; brih wama man lamara bâra iwi kaia, man tempelkam rumka bîla nani ra. ¡Banhki wan dauks, man wamtla ra diara kau pain brisma ba ni, man tempelkam watla holikira bilara ba wal sin!

Aiseya 38:17

Nanara kaiks, yang sari pali kaia katna ba, nanara kupi kumi sna. Prura tasbaya wina, man bui yang rayaki ba sakram, yang saura yâri ba sut man pri ai sakram.

Aiseya 50:10

Man nani bui Dawan ra kulkisma ba bara ai dukia dadaukra bîla walisma ba: tihmia tara ra wapma kaka, ingni lupia kumi sin âpu, Dawan ra kasak luks, Gâdkam ra tâ baiks.

Jona 2:4

Yang lukri man lamam wina ai saki ai lulkram; tempelkam holikira ba kli kaikamna apia wîri.

Miqueas 1:2

Upla nani sut, naha bîla na man nani aman pali wals: Dawan ai tempelka watla sunukira ba wina, man nani mampara witnis aisabia.

Abakuk 2:20

Sakuna Dawan pali ba ai tempelka watla sunukira ra iwisa. ¡Bamna tasba aiska ba, witin ai mawanra sâp kabia!

Hibru Nani 12:3

¡Man nani Jisas dîa daukan ba kat luki bas, nahki upla saurakira nani mihta ra kasak pât wahwan ba! Baha mita, man nani swappara, dring sin iwpara.

1 Samuil 30:6

Debit ai kupia wal uba aisin kan witin nahki daukaia, ai daknika ba bui mahka walpa ni sabaia muni kan, witin nani sut lawi pali kan ai luhpia nani ra baku takan ba dukiara. Ban sakuna, Dawan ra ai kupia lukra ba mangkan,