Jona 1:9 - DAWAN BÎLA AISKA

⁹ Jona pana naku win: —Yang lika Hibru, Dawan ra puri sunisna, witin sika Gâd laih kasbrika purara ba, kabu, tasba sin Papaskra ba. Witin ra puri suni mayunisna.

Jona 1:9 ပူးပေါင်းရင်းမြစ်များ

Blasi Sturka 1:10

Ningkara tasba lâwan ba nina “tasba” mâkan, bara lî nani asla takan ba nina “kabu” mâkan. Bara baha sut ba yamni kan Gâd kaiki,

Blasi Sturka 14:13

Sakuna waitna kumi baman tila ba wina plapi swak takan. Bara witin balan bara Ebram Hibru waitnika ra sturka ba sut win. Witin amorreo usupum untika ra ai uplika nani Mamré, amorreo ba, Escol muihnika wala Aner nani aikuki bahara iwi kan.

Blasi Sturka 24:7

Dawan, kasbrika pura Gâdka ba, yang aisiki watla bara taiya nani tasbaya wina sin witin mita ai saki bara witin aisi yang ra pramis ai munan ba, naha tasbaya na yang luhpi nani ra yabaia wisi, witin ai insalka man kainamra blîkbia, bara man baha wina yang luhpi waitna maya kum bri balma.

Blasi Sturka 39:14

witin ai albika nani utla bilara kan ba winan balan bara witin nani ra win: —Man nani kaiks, mayi Hibru waitnika kum bri balan ba, nanara yawan wan lawaska kikisa. Rumki ra dimi ai kaikan bara krikriki ra uli ai alkan yang wal yapaia, sakuna yang bîli baikra karna winri;

2 King Nani 17:25

Sakuna naha uplika nani Dawan ra mayunra sin daukras kan ba mita, witin nani mahka ai pliska brin taim Dawan mita witin nani mapara layan nani blikan bara ai tila kat kum kum ra iki kan.

2 King Nani 17:28

Bara prîs nani Sameria wina alki brih wan kan ba wina kum balan bara Betel ra iwan, bara baha nani ra smalkan nahki Dawan ra sibrin lukaia ba.

Esdras 1:2

“Ciro, Persia kingka ba, naku wisa: Dawan, kasbrika nani laih purara ba Gâdka, witin mita naha kingka tasbaya aiska sut ba yang mihti ra mangkan sa, bara Jerusalem ra tempel watla kum mâkamna ai win, baha lika Juda tasbaya ra ba.

Esdras 5:11

Bara witin nani pana yang nani ra ai win: ‘Yang nani sika Gâd kum laih purara bara tasba ra sin bâra ba Gâdka ra mayunisna; yang nani naha tempelka na kli mâkisna, pat mani nani luan ra Israel kingka kum karnika tara bri kan ba mita naha ba pat aiska mâkan kan bamna.

Nihimaya 1:4

Baha sturka nani walri ba ra, yang mahka iwi inri, kupi sin kriwan bara baku yu ailal kasak sari briri, plun sin piras kasbrika purara Gâdka ra puri sunri.

Nihimaya 2:4

Bara king ba yang ra makabi walan: —¿Dîa sip sna man dukiamra daukaia? Baku bamna, yang lika kasbrika pura Gâdka ra puri sunri,

Nihimaya 9:6

Bara Esdras aisin: “Man lika Dawan sma, bara kau wala âpu. Man kasbrika pura ba daukram, bara kasbrika nani kau purkara ba sin, slilma nani ba, tasba ba, baha bilara dîa dîa bâra ba sin man daukram, bara kabu nani ba, kabu bilara dîa dîa bri ba sin man daukram. Baha mita sika, slilma nani ba kasbrika pura wina mamyuni ba.

Job 1:9

Sakuna dahra kwakwahkra ba pana win: —Kasakkira baku man dukiam daukisa, sakuna mana luha lika wark takras.

Lawana Nani 136:26

¡Man nani kasbrika pura ba Gâdka ba ra tingki wis, ai latwanka lâka ba ban kaia ra ban sa bamna!

Impakan Sturka 1:15

Baha purkara, Idsip kingka ba Sifrá bara Púa ra aisin. Naha mairin nani wâl na sika grandi mairin nani kata, Hibru nani tilara. Witin nani ra naku win:

Impakan Sturka 2:13

Yu wala kli witin taki wan, bara kaikan Hibru kum ai tahkia ra aiklabi kan. Bamna witin pâtka dauki ba waitnika ra win: —¿Dîa muni man klauna uplikam ra prukisma?

Daniel 2:44

Baha kingka nani dauki yua nani ra kasbrika purara Gâdka ba king lâka kum bukbia bara ban kaia ra sauhki tikan kabia apia, nisan wala kumi mita sin pura lubia apia, ban sakuna, king lâka wala nani sut ra pura lubia, bâra ban kabia ban kaia ra.

Oseas 3:5

Baha yua nani ningkara, Israel luhpia nani ba kli tawi bal, ai Dawan Gâdka ra plikbia, bara ai kingka Debit ra sin. Baha piua nani aimaki lui kabia ba ra, witin nani bui Dawan ra ai kupia krauki tara kulkbia, diara nani yabi ba dukiara sin.

Apastil Nani Sturka 14:15

—Upliki nani, ¿dîa kan man nani naku dauki banhwisma ki? Yang nani na sin man nani wal baku upla sna. Sakuna nâra yang nani balri na, man nani ra sturi yamni ba mai smalkaia, naha diara bahki nani na swi si Gâd rayakira ba nina blîkma, witinka mita kasbrika pura, tasba, kabu nani ra dîa dîa baha nani bilara ba sut paskan bamna.

Apastil Nani Sturka 27:23

Naha tihmia luan ra, Gâd ra yang bui witin ra mayuni dukia daukri ba mita insal kum yang ra blikan.

Pilipai 3:5

Kan yang lika ai baikan wik kum alkri ba ra, Aisa sainka ba ai daukan. Yang na Israel kiamka, Benjamín taika wina; aisubi takri Hibru sna, bara aisiki nani ba Hibru sa. Ju nani lâ bri ba kat yang na parisi katna;

Param Marikanka 11:13

Baha sim piua tasba nikban tara kum takan, bara tawan ba mânka matawalsip daukan wina kumi ba kauhan, bara tasbaya nikbanka ba mita upla 7,000 pruan. Uplika nani pruras swakwan ba sibrin tara alkan, bara kasbrika purara Gâdka ra mayunra yabi kan.

Param Marikanka 15:4

Dawan, ¿ya man ra sîam briras kabia? ¿Ya sin man ra mamyunras kabia? Kan man baman sika holikira, bara nisan nani sut bal man ra ai pura suni mamyunbia, daukankam kasak nani ba upla sut mita kaikan bamna.”

Param Marikanka 16:11

bara witin nani kasbrika pura Gâdka mapara diara saura nani aisan, ai latwanka nani bara ai wîna sukwanka tâka ba mita. Sakuna witin nani saura dauki banhwi kan ba swi si ai kupia lakras kan.