Jona 1:6 - DAWAN BÎLA AISKA

⁶ Bara duri kiaptinka ba witin lama kat wan, bara win: —Yayapra tara, ¿man nâra dîa daukisma? ¡Bus, Gâdkam ra puram suns! Ban kra witin umpira wan kaiki swaki wan sâkbia.

Jona 1:6 ပူးပေါင်းရင်းမြစ်များ

2 Samuil 12:22

Debit pana win: —Tukta ba raya kan ba ra, yang kaiki plun piras ini kapri. Yang lukri Dawan ba ban kra umpira ai kaikbia ban swika tukta ba prubia apia.

Ester 4:16

“Bamna man, nanara was, bara Susa ra Ju nani bani wal prawma ba ra witin nani ba sut asla dauki yang dukira puram suns, plun piras bara lî sin diras kira lapta yumhpa dauks, kakna bara tihmia ra, bara yang sin baku daukamna warkki dadaukra nani ba aikuki. Baha ningkara, yang lika king mawanra wamna, lâ krikamna bara ai ikaia kaka ai ikbia si.”

Lawana Nani 107:6

Sakuna trabilkam tilara Dawan ra winram bara witin bui pâtkam wina atki mai sakan.

Lawana Nani 78:34

Gâd mita iki tikan, bâra lika witin ra plikan, witin ra kli bal plikan wapras kira pali.

Aiseya 3:15

¿Man nani raitkam ani wina bri upliki nani yuskisma, bara umpira nani mawan ra taibisma?” Karnika sut bri Dawanka witin aisisa.

Isikiel 18:2

“¿Dîa muni Israel ra aisanka kum ba ban aisisa, naku wi ba: ‘Aisika bara yaptika nani ba wain swahni pîsa, bara luhpia nani ba napa srimisa’?

Joel 2:11

Dawan ba, ai uplika kwâra tara ba kainara aimaki, ai bîla baikra ba alwani binka baku yaban walisa. Ai karnika ba tara pali sa, witin ai adarka bîla nani wali dauki nani ba, sip kulki sakras sa. ¡Dawan yua ba nahki tara sa, sibrin tara yua sa! ¿Ya sip sa witin ai mapara buaia?

Emus 5:15

¡Diara saura daukaia ba, man nani misbara kaiki bas! ¡Bara diara yamni daukaia ba latwan kaiks! Aman kaiks lâ pliska nani ra lâ kasak ba daukbia, baku daukma ban kra karnika sut pali brih Dawanka ba, Israel luhpia nani kau bâra ba, ban umpira kaiki bâra swibia.

Jona 3:8

Sakuna upla sut ba ai kwalka siksa dimaia sa sari tukinka ba, bara upla sut ai karnika aiska Gâd ra ai pura sunaia sa. Bara upla kumi bani ai tânka saura bri bara lâ krikanka nani dauki ba, nanara mahka swibia;

Jona 3:9

yawan baku daukbia kaka, ban kra Gâd wan lawbia apia, bara yawan raya kabia.”

Apastil Nani Sturka 21:13

Sakuna Pal win: —¿Dîa kan man nani ini, kupi ra sari ai dingkisma ki? Kan yang ridi sni ai priskan kaia baman apia, sakuna Jerusalem ra sin pruaia Dawan Jisas tâwan.

Roman 13:11

Naha sut tilara, yawan wan piua iwi na tânka luki bas, bamna kaiki bas yapan wina buaia piua ra sa. Kan blasi kata ba wal nanara lika swaki wan sakan lâka ba kau wan lamara pali sa, yawan nan Dawan bîla smalkan wali kasak lukan ba wal.

Epesus 5:14

Bahamna naku wisa: “Man yapisma ba, mahka rawi bus; pruan nani tila wina sin mahka raya taki bus, bara Kraist man puramra ingbia.”