Jona 1:5 - DAWAN BÎLA AISKA

⁵ Bara duri waki nani ba sut sibrin pali takan, kumi bani ai gâdka ra ai pura sunan. Bara diara nani ba sut kabu ra lulkan duri ba ingni daukaia. Witin nani baha dauki kan ba ra diara auhban ba tilara Jona lika bahara ai âuyapah pali yapi kan sakan.

Jona 1:5 ပူးပေါင်းရင်းမြစ်များ

1 King Nani 18:26

Bara bîp wainhka yan kan ba wina kum ridi daukan, bara witin nani Baal nina mâki titan wina yu wan lal kat wini kan: “¡Baal, yawan ra aisas!”, sakuna bîla baikra kumi sin âpu kata. Ban sakuna witin nani wapi srutwi kan, altar witin nani paskan ba lamara.

Job 2:4

Sakuna dahra kwakwahkra ba pana Dawan ra win: —Ani piua upla kumi taya ra pan kangbras sma kaka, diara sut ba aitani sa, uplika ba wilin pali sa dîa sip ba kat daukaia, ai rayaka swaki sakaia mata.

Lawana Nani 107:25

Dawan aisin ba wali, pâsa tara pali buan, baha rip tara tilwi kata kabu tara aiska bilara;

Lawana Nani 148:8

Imyula bara lî mâ klaswan, ais kauhla baman, mukus sin. Pâsa saura, ai bîla kat wali dauki ba.

Smasmalkra 3:6

Trai muni daukaia piua bâra sa, daukras kaia piua bâra sa. Suni briaia piua bâra sa, lulkaia piua sin bâra sa.

Aiseya 45:20

Asla taki bara bal, tawan ra raya takaskan nani ba, laimara bal. Witin nani kau baha nani tânka briras kan ba, baha nani ai aidulka dus ni daukan ba purara buki, bara witin nani gâd kum ra ai pura suni ba swaki sakaia gâdka apia ra.

Jirimaya 2:28

Juda, ¿gâdkam nani paskram kata ba anira sa? ¡Gâd nani ailal brisma tawan nani ailal ba baku! ¡Nanara witin nani bal kaikbia, swaki mai sakaia sip sa sapa pât saura nani ba bal mai alkbia ba ra!

Oseas 7:14

witin nani ai krikrika ra aitniki karna winisa sakuna, ai lukanka pali wina yang ra ai pura sunras. Witin nani plawar, wain briaia dukiara ai pura suni ba ra, ai lukanka ra insauhkisa; ¡sakuna witin nani, yang maipara buan!

Jona 1:14

Bara witin nani winan: “Dawan, naha waitnika pâtkira na dukiara, yang nani pruamnara. Witin ba pâtkas sa kaka, pruya pâtka ba yang nani ra ai kulkpara, kan, Dawan, man kupiam lâka kat daukisma bamna.”

Jona 1:16

Duri wawakra nani ba baha kaikan bara Dawan ra kulkanka tara yaban bara sakripais dauki ai pura suni pramis nani daukan.

Jona 1:6

Bara duri kiaptinka ba witin lama kat wan, bara win: —Yayapra tara, ¿man nâra dîa daukisma? ¡Bus, Gâdkam ra puram suns! Ban kra witin umpira wan kaiki swaki wan sâkbia.

Matiu 25:5

Marit taki waitnika ba pat balras kan bamna, sut yapan daukan, bara sut mahka yapan.

Matiu 26:43

Tisku kan kli tawi balan ba ra, disaipil nani ba kli yapi kan sakata, kan ai nakra nani ba ban prak prawi kan yapan pali dauki kan ba mita.

Matiu 26:45

Bara disaipil nani bâra kan ba kat bal, win: —¿Man nani kau ban yapi bara ris brisma ki? Upla Luhpia Waitna, upla saurakira nani mihta ra ai mangkaia awarka ba aimakan sa.

Apastil Nani Sturka 27:38

Witin nani ai biara banhki plun pin ningkara, duri tara ba ingni daukaia dukiara plawar ba sut liura baman lulkan duri ba ingni kaia wisi.

Wihta Nani 16:19

Dalila bui Samson ba yaban ai kuhma ra yapan, bara waitna kum winan balan, ai tâwa pitbanka 7 ba klakan. Bara witin mahka Samson ra saura munan,

1 Samuil 24:3

Ai yabalka ra sîp klarka nani ra wan, baha nani lamara walpa unta kum bâra kan, Debit ai uplika nani sut aikuki pat dimi bâra kan ba kat. Saúl sin baha kat dimi tâski iwaia dukiara,