Jona 1:4 - DAWAN BÎLA AISKA

⁴ Sakuna Dawan pâsa karna pali kum blikan, kabu ra pâsa saura pali buan duri ba kriki tikaia praiska kat.

Jona 1:4 ပူးပေါင်းရင်းမြစ်များ

Lawana Nani 135:6

Dawan witin dîa daukaia ba sut daukisa, kasbrika pura ra bara tasba ra sin, kabu tihuka nani ra ba sut.

Lawana Nani 135:7

Witin mukus nani yan uluya, wan tasba paskanka lâs ba wina; witin lî auhi ba dukiara, imyula nani yan maisa pakisa, witin ai dukia kukan nani bri ba wina, pâsa sakisa.

Lawana Nani 148:8

Imyula bara lî mâ klaswan, ais kauhla baman, mukus sin. Pâsa saura, ai bîla kat wali dauki ba.

Impakan Sturka 10:13

Moses Idsip tasbaya purara ai kînka ba bukan, bara Dawan mita daukan lalma pâsa karna krawan baha yua aiska, tihmia aiska sin Idsip tasbaya purara. Bara yu wala titan ra baha lalma payaska ba mita, kruhkru nani banhki takan. Pura luan baha sât kruhkru ailal kau kaikras kan, baha yua kat, kli sin ban baku baman kabia apia.

Impakan Sturka 10:19

Bamna Dawan mita pâsa krawi yabalka ba, muna tani ra lakan; bara pâsa karna pali muna tani wina yan krawan, kruhkru nani kata ba pâli Kabu Pauni ra baman bri si yakaban. Idsip tasbaya aiska ra kruhkru kumi sin takaskras kan.

Impakan Sturka 14:21

Bamna Moses ai klahkla ba kabu purara sakban; bara Dawan mita lalma wina pâsa karna pali yaban krawan, tihmia aiska. Baku kabu ba lilak baiki tnaya wâl awala bîla baku sakan, bara lilapas bâk tasba lâwan takan.

Impakan Sturka 15:10

Man wingkam puhbram bara kabu witin nani ba langkan; witin nani ba walpa baku kabu ripka tilara rungwan.

Jirimaya 51:16

Alwani bîla baikra ni lî auhaia binka ba kasbrika purara daukisa, tasba paski tawan ba wina kasbrika nani sunisa, lî auhi ba tilara yan imyula lipisa, pâsa watla wina sakan pâsa ba krawisa.

Emus 4:13

Dawan, il tara nani bara pâsa sin paski ba, witin dîa daukaia luki ba upla ra maisa paki ba, witin ingni ba wina tihmia tara dauki ba, witin tasba pîska kau purara nani ba wapi kaiki ba, Dawan, Gâd karnika aiska bri ba, baha sika ai nina sa.

Kulki Kaikanka 11:31

Bara Dawan daukan pâsa kabu wina krawan, bara kabu wina pusal nani upla nani watla ra bri balan, tasba mawan âpu. Yu aiska kum wapaia pitka pusal ailal pali 3 pît pura aipaswan kan ban purara taibi wapaia praiska kata. Witin nani ai tasbaya aiska ra, ai watla nani tnaya kir ba pusal baman kan.