Jona 1:3 - DAWAN BÎLA AISKA

³ Sakuna Jona Dawan bîla wali daukaia kata ba swin bara plapaia wisi Jope wâpka ra wan. Baha piua ra duri tara kum ridi pali kan Tarsis ra waia, bara ai pâska aibapi aimakan.

Jona 1:3 ပူးပေါင်းရင်းမြစ်များ

Blasi Sturka 3:8

Bara witin nani walan, Dawan Gâd giadin ra tutni ra payaska krawi ba tilara tauki kan; bara upla ba ai maya wal, Dawan Gâd mawan wina giadin dusa nani tilara yukuwan.

Blasi Sturka 4:16

Bamna baku, Ken Dawan mawan wina taki wan, bara witin Nod tasbaya ra wih iwan, Eden lalmika ra.

1 King Nani 19:3

Bara ai dara walan diara saura takisa witin ai mapara, bara ai rayaka swaki sakaia dukiara Beerseba ra wan, baha ba Juda tasbaya kata, ai albika lika bahara swin.

1 King Nani 19:9

Bahara wan ba ra, tasba unta kum ra diman, bara bahara tihmia luan. Bara Dawan bui witin ra aisin, bara naku win: “Ilayas, ¿man nahara dîa daukisma ki?”

2 Kronikas 2:15

Bamna nanara blîks, dawanki, dukiam dadaukra nani plawarka, barlika mâ, batana laya bara wain sin man baku wiram ba.

2 Kronikas 2:16

Bara yang nani Líbano ra dus nani want sma ba klakamni, bara rap dauki kabu bâk bri balamni Jope kat. Ningkara man bui baha wina Jerusalem kat brih wama.”

2 Kronikas 9:21

kan king duri tara nani bri kan ba Hiram uplika nani bahara wark taki, Tarsis ra impaki kan; witin nani mani yumhpa bani aima kum, gul, silbar, elepant napa, ruskika bara pikak nani sin bri sal yabi kan.

Esdras 3:7

Walpa bara dus ni utla mâmakra nani ra lalah yaban, bara plun, wain bara batana laya nani Tiro bara Sidón uplika nani ra yaban, Líbano wina kabuk yalam tatka nani ba Jope kat bri balaia dukiara, Persia kingka Ciro adarka baku daukbia win kan ba kat dauki banhwi kan.

Job 1:12

Bara Dawan mita dahra kwakwahkra ra win: —Aitani, dîa brin mai dauki ba kat dauks Job dukia nani ba wal, sakuna witin pali wîna ra lika saura munpara. Bara dahra kwakwahkra ba, Dawan mawan wina mahka taki wan.

Job 2:7

Dahra kwakwahkra ba Dawan wina mahka taki wan, bara witin mita Job purara siknis saura blikan, taya ra bara mina wina lal kat yukri takan.

Lawana Nani 107:23

Kabu ra slaup nani bilara iwi banhwi ba, lî tara nani tilara bisnis daukan.

Aiseya 2:16

Tarsis durka tara nani baku sa, apia kaka duri tara painkira nani baku.

Aiseya 23:1

Tiro mapara dahra aisin: Tarsis dwarka tara nani ai mamna lulkisa, duri tara praki wilkaika nani ba sut sauhkan bamna. Chipre wina duri tara nani bal dimi bahara wilki kata âpu daukan.

Aiseya 23:10

Tarsis uplika nani, tasba ra saumuk mangkaia warkka dauks, duri tara papaskra nani ba danh âpu sa.

Aiseya 23:6

Witin nani wibia: “Man nani Tarsis ra lui was; puram mata ini yauhs, kabu un ra iwi uplika nani.”

Aiseya 60:9

Baha duri tara nani Tarsis dwarka tara nani ba mita tâura aimaki aikuki asla taki aula ba, laih wina luhpiam nani ba dukia brih aula, silbar bara gul sin, Israel Gâdka Holikira, Dawankam ba, kulkanka yabaia, witin mita sika pranakira mai paskan ba.

Jirimaya 10:9

Aidulka nani silbarka ba Tarsis wina bri balan, gulka nani ba sin Ufaz wina bri balan; diara lilka karbi slilki dauki paski uplika nani paskan ba bara kwala balianta pauni ni prâka sipisa, baha sut ba âuya mâira diara paski uplika nani ba paskan.

Isikiel 2:8

Man, aman wals yang mai wisna na; mapara babura kapara, baha nani baku; bîlam kwâks, bara pis dîa maikisna na.”

Isikiel 27:12

Yuyakam tara kan bamna, Tarsis uplika man wina diara atki kan, bara baha mana silbar, ayan, lit nani maikan.

Isikiel 3:14

Gâd karnika ba ai bukan bara baha wina ai sakan, bara yang sari bara kupi kriwan takan, kan bâra Dawan ai mihta karnika wal ai alki kan.

Jona 1:10

Jona ai dahra ba witin nani ra param win, witin Dawan wina plapisa. Witin nani baha walan bara sin kaiki kan, kabu ripka ba kau tara taki kan; witin nani kau sibrin daukan, bara kli witin ra makabi walan: —¿Man dîa muni baku daukram? ¿Man wal yang nani dîa daukrika, kabu na lamni takbia?

Jona 4:2

Bara Dawan ra ai pura suni, naku win: —Kaiks, Dawan, naha naku takaia ba yang pat aisari kan kau waitla ra katna ba ra. Baha mita sika Tarsis ra aihni plapaia lukatna ba, kan yang kaikisna man kupiam lukra ba swapni sa, upla ra kupiam baiki si kli pat umpira kaikisma, upla ra latwan pali kaikisma ba mita rausauhkaia pâli si, kli pat kupiam lakisma.

Luk 9:62

Sakuna Jisas pana win: —Ya ai mihta ra tasba tukbaika alkan ningkara, witin ai nina ra tawi kaiki ba, baha lika Gâd king aimaki ba lâka mapa ra pain apia sa.

Apastil Nani Sturka 15:38

Sakuna Pal mita baha wahma kli aikuki taukaia aitani lukras kan, witin kata sika Panfilia kuntrika ra witin nani ra swin; bara wark ra waras kan.

Apastil Nani Sturka 26:19

“Baku bamna, king Agripa, yang kasbrika purara ba wina diara aihka kaikri ba, bîla wali daukras kaia sip apia kapri.

Apastil Nani Sturka 9:36

Baha piua ra, Jope tawanka ra lalukra mairin kum kan ai nina ba Tabitá, Grik bîla ra lika Dorcas mâki kan. Naha mairka ai rayaka yua nani aiska ra diara yamni man dauki kan, upla umpira nani ra sin uya hilp muni kan.

Apastil Nani Sturka 9:38

Jope lika Lida tawanka wal baila kan, bara lalukra nani Jope ra iwi kan ba walan, Pita lika Lida ra sa. Bamna waitna wâl saki blikan, naku maisa pakaia: “Pliskam takaskras, Jope ra bal.”

Apastil Nani Sturka 9:42

Naha sturka na Jope tawanka aiska ra wali banhwan, upla ailal sin Dawan ra kasak lukan.

Apastil Nani Sturka 9:43

Bara Pita lika yu ailal baha tawanka ra takaskan, daiwan taya lâkaia saika dadingkra kum nina Saiman wi ba watla ra.

1 Korint 9:16

Swaki sakan sturka aisi smalkaia ba lika, yang maipa ra aimayunaia dukia apia sa, kan yang baha daukaia sna. Sturi yamni ba aisi smalkras sna kaka, yang maipa ra saura pali kabia.

2 Tesalonaika 1:9

Naha nani ba, ban kaia ra sauhki tikan pâtka wal klala yan kabia; bara Dawan mawan wina, ai prana wina bara ai karnika wina sin, laihura saki lulkan kabia,

Jasua 19:46

Mejarcón bara Racón, Jope mawanra tasba bâra ba wal.