Jona 1:2 - DAWAN BÎLA AISKA

² “Ninibi tawanka tara ra was bara wis, yang bui witin nani ba sauhki tikaisna, kan witin nani ai watawanka ba yang sin kaikisna bamna.”

Jona 1:2 ပူးပေါင်းရင်းမြစ်များ

Blasi Sturka 10:11

Baha Sinar tasbaya wina Asur ra taki wan bara witin sin tawan tara wala nani paskan. Ninibi, Rehobot-ir bara Quélah tawanka ba sin.

2 King Nani 19:36

Bara Senaquerib, Asiria kingka ba, kli tawi mahka wan Ninibi ra, bahara sika witin ba takaskan.

2 Kronikas 28:9

Bahara Dawan dahra aisasarika kum bâra kan nina Obed, bara war wina aula nani ba wal prawaia taki wan, Sameria ra dimaia auya kan ba ra witin nani ra win: —Dawan, man nani damikam Dawanka ba, Juda wal ai kupia sauhkan, baha mita baha nani ba man nani mihtam ra mangkan. Sakuna man nani bui kupiam baiwanka saura karna uya iki tikram bara saurkam ba kasbrika purara ba Dawan kat wan.

Esdras 9:6

naku aisi: “Yang Gâdki, yang Gâdki, yang kupi turban bara swiri lâka ra sna, nahki man ra mai wiaia sapa kaikras. Yang nani saurki ailal ba laila pura luan sa, baha purkara yang nani lâ kriki banhri pâtka ba kasbrika kat ulan sa.

Aiseya 37:37

Bara Senaquerib, Asiria kingka ba kli tawi mahka wan Ninibi ra, bahara sika witin takaskan.

Aiseya 58:1

Dawan bui ai win: “Sibrin âpu karnikam aiska ni wins, dîa wiaia sma ba alki takaskpara, trumpit baku bîlam baikra buks, bara yang upliki nani ra param wis witin nani maipara buan ba, bara Jekob watla uplika nani ra sin wis saura daukan ba dukiara.

Jirimaya 20:9

Yang naku wimna: “Yang Dawan ra kau luki kamna apia, witin ai nina bri yang kli aisamna apia”, bara man aisinkam nani ba biaira bilara ai angkisa pauta klauhan baku, ai sauhkisa dusi nani kat. Bapi buaia trai munisna, sakuna sip apia.

Isikiel 2:7

Man, yang bîli nani na aisas, ban kra bîlam walbia apia kaka walras kabia, kan uya mapara babura sa.

Oseas 7:2

Witin nani luki kaikras sa watawika lâka nani dauki ba, yang kupi ra brisna. Nanara witin nani ai daukanka nani daukan ba mita, ai tnaya kir kutbisa, daukanka nani ba naikra ra ban bâra sa.

Jona 3:2

“Bus, Ninibi tawanka tara ra was, yang mai wimna dîa smalkaia sma ba.”

Jona 3:3

Jona buan bara mahka Ninibi ra wan, bara witin dîa daukaia Dawan win ba kat daukan. Ninibi sika tawan tara pali kan, tawan aiska ra waia kaka yu yumhpa wapaia kan. Tawan ra dimi yu kum wapan bara ai bîla baikra tara wini aisin: “¡Yu yawanaiska wâl bilka ra, Ninibi tawanka na sauhki tikan kabia!”

Jona 4:11

Bamna yang kau pali Ninibi dukiara kupi swapni takaia sa, baha tawanka tara ra 120,000 upla nani tuktan baku ai tânka briras banhwi ba bâra sa, daiwan sin ailal pali sa.

Miqueas 3:8

Ban sakuna, yang maipara lika, Dawan spiritka mita karnika ni ai banhkisa, kasakka lâka tânka kaikaia karnika aikisa; bara kupi lukanka karnika ba sin, Israel, Dawan mapara bûi ba tânka param wiaia, ai saurka nani ba sin, ai mawanra kabia.

Nahum 1:1

Nahum, Elcós tawanka wina ba, Gâd bui witin ra param taki dahra aisanka wauhkataya yan ba. Naha bîla nani sika Ninibi tawanka ra aisaia blikan ba:

Nahum 3:19

¡Sîka âpu, wînam insauhkanka nani ba yukaia! ¡Wînam sukwanka nani sukwi ba rakaia saika âpu sa! Bamna ya man sturkam walbia ba, witin ai mihta pruki puram wini kabia. Kan, man saura daukaia warkka nani daukram ba, ¿ya pali ra baha saurka tâskika ba alkras sa ki?”

Matiu 10:18

Wihta tara nani bara king nani mawanra mai brih wabia, yang tâiwan; baku man nani sturi yamni ba aisaia sip kama witin nani mawanra, bara Ju apia nani mawanra sin.

Matiu 12:41

Ninibi tawanka ra iwan uplika nani ba lâ daukaia yua ra, naha piua uplika nani lâka daukbia ba ra, witin nani mita naha uplika nani ra pât ra lakbia, kan Jona mita Gâd sturka Ninibi uplika nani ra smalkan bamna, witin nani ai kupia lakan; sakuna man nani ra mai wisna, nahara diara kum sa Jona purkara kau tara ba.

Jems 5:4

Namsla ra wark takan uplika nani ra mana yabras kapram ba, mampara winisa; bara Dawan Gâd, karnika sut bri ba, warkkam tatakra nani winanka ba walan.

Param Marikanka 18:5

Kan ai saurka nani ba aipaswi taki, kasbrika purara ba kat alkan sa, bara ai watawanka nani ba Gâd ai kupia ra bri kan.