Jona 1:12 - DAWAN BÎLA AISKA

¹² Jona pana aisin: —Man nani kabu ra ai lulks, bara lamni takbia. Daira walisni yang pâtkira sna. Baha mita naha payaska karna wan purara balan sa.

Jona 1:12 ပူးပေါင်းရင်းမြစ်များ

2 Samuil 24:17

Debit kaikan insal ba upla nani ra siknis yabi kan ba, bara witin Dawan ra winan: —¡Yang sika saura yâri! ¡Yang sika pâtkira sna! ¿Sakuna pâtkas nani na dîa daukan? ¡Man ra mamkabisna klalkam ba yang purira kauhbia bara taiya nani purara sin!

1 Kronikas 21:17

Bara Debit bui Dawan ra win: —¡Yang bui sika baha nani nina ulbi mangkaia adar yabri ba! ¡Yang sika saurka daukri ba! ¿Sakuna naha pâtkas nani na dîa daukan? Dawan, yang Gâdki, yang mamkabisna man klalkam ba yang ra bara waitla suliarka purara kauhbia, sakuna baha nani pâtkas pri swima.

Job 35:8

Man saurkam ba lika upla ra saura munisma, bara dîa yamnikam nani ba sin upla ra lika yamni nani daukisma.

Smasmalkra 9:18

Sins lâka ba kau yamni sa, war aiklabaia dukia nani ba wal. Swakwanka kumi baman mita sauhkanka tara brih aula.

Jona 1:13

Duri wawakra nani ba un ra waia luki karna kwahi kauban, sakuna sip apia takan, kabu ripka ba kau tara tilwi kan bamna.

Jan 11:50

tânka nani sin briras sma, yawan wan mapara kau pain sa upla ailal tâwan upla kumi prubia, wan nisanka aiska âpu daukaia ba wal.

Apastil Nani Sturka 27:24

Bara insal ba naku ai win: ‘Si bripara, Pal, kan man Rom kingka tara mawanra buaia kama, bara man tamka mita Dawan naha uplika nani aikuki duri ra sma na, sut swaki sâkbia prura wina.’

Jasua 7:12

Baha mita Israel luhpia nani ba ai waihla nani mapara sip bubia apia. Baha nani mawan wina witin nani plapaia sa, kan nanara Israel luhpia nani ba aitani sa sauhki tikaia lâka ra mangkan kaia. Bara man nani mahka pali, baha dukia nani sut slingbi tikaia mai wîri ba slingbi tikras sma kaka, yang lika man nani wal ban kamna apia.