Joel 3:16 - DAWAN BÎLA AISKA

¹⁶ Jerusalem Saion ilka ba wina Dawan aisabia bîla baikra ba alwani binka baku walbia, bara kasbrika tasba sin mahka tatatwi kabia. Sakuna Dawan ba ai uplika nani, Israel luhpia nani ba, yukuwaika kan kahbaika ban kabia.

Joel 3:16 ပူးပေါင်းရင်းမြစ်များ

Lawana Nani 18:2

Dawan, man sika kaini kahbisma, yang yukuwaiki pliska, yang swaki ai sasakra; yang Gâdki, walpa tara, yang ra ai yukukisma ba, yang kaini kahbaika, ai swaki saki karnika ba, yukuwaiki kau tara ba.

Lawana Nani 29:11

Dawan lika ai uplika nani ra karnika yabisa; Dawan lika ai uplika nani ra kupia kumi lâka ni yamni munisa.

Lawana Nani 61:3

kan man sika yang yukuwaiki sma. Man sika tawer karna ba baku sma, waihli wina swaki ai sakaia.

Sins Lâka 18:10

Dawan nina ba tawer kum karnakira sa; upla kasakkira bahara plapi dimisa, ai kan kahbaika pliki brisa.

Aiseya 33:16

baha ba kasak iwbia, walpa tara nani ra ai kan kahbaika pliska kum bribia, witin ra ai pata yabia, ai laya briaia ba lika kasak pali brin kabia.

Aiseya 33:21

Sakuna kasak pali bahara Dawan yawan wan karnika kabia, awala nani ra, tingni bîla tara nani na, bahak kwahi ni kaubi duri tara watauki kabia apia, bahak duri tara nani sin lubia apia.

Aiseya 42:13

Dawan bal takbia pura lalura tara baku, bara war aiklaklabra lapta baku, aiklabia ai bîla baikra tara ni, ai waihla nani pura lubia, karna takbia sin.

Aiseya 51:16

kasbrika pura bara tasba sin paskri. Twisam ra bîli nani mangkri aisaia, mihti distika ra kainam kahbri. Yang Saion ra wîri: ‘Man ba yang upliki nani sma.’ ”

Jirimaya 16:19

Dawan, yang karniki bara kaini kakahbra, yang yukuwaiki trabil brisna piua ra; nisan nani ba man ra balbia, tasba paskanka takaskan ba wina bal, bara mai wibia: “Kunin gâdka nani, diara bahki, karnika âpu nani ba baman, damiki nani ba ai dukia kukanka baku brin.

Jirimaya 17:17

Yang ra sirang ai ikaia daukpara, man sika yukuwaiki watla yang pât tara ra sna ba piua ra.

Isikiel 38:19

Kupi sauhkanka tara pali tilara swer takisni, baha piua ra, Israel ra tasba nikban tara pali bâra kabia.

Oseas 11:10

Witin nani lika Dawan nina blîkbia, bara witin layan kumi baku ihbi kabia. Ihbi kabia, bara ai uplika nani ba tatatwi kira muna tani wina taki balbia.

Emus 1:2

Jerusalem, Saion ilka ba wina, Dawan ai bîla baikra bin tara alwani binka baku aisisa ba ra, tasba nani ra twi painkira pâwi ba srawisa, Carmelo ilka bahna ra twi nani ba sin sut lâwisa.

Emus 3:8

Layan ba ihbisa kaka, ¿ya lika sibrin daukras sa ki? ¿Ya Dawan nina brih aisaras sa ki, witinka adar yabi kaka?

Nahum 1:7

Dawan ba yamni sa; pât bri uplika nani yukuwaika watla kum sa; witin ra luki uplika nani ba kan kahbisa.

Hageo 2:6

Pat pali yang kasbrika pura ba, kabu, tasba sut nikbamna.

Hageo 2:7

Nisan nani sut ba nikbamni, witin nani ai dukia kukan nani brih balbia, bara tempelka ba prana banhki daukbia.” Karnika sut alki bri Dawanka ba, kasak aisisa:

Sakaraya 10:12

Witin nani ra karnika nani yabamna, bara yang nini mâki witin nani ai kainara impakbia. Yang, Dawan, bîli aisisni.”

Sakaraya 10:6

Dawan naku aisisa: “Juda kiamka nani ra karnika yabamna, bara Josep kiamka nani ba swaki sakamna. Witin ai kuntrika ra waia tapahkamna, kan witin nani ra luki kupi swapni takisa. Yang bui witin nani ra lulki swiras kapri kan baku lukbia, kan yang sika witin nani ai Dawan Gâdka sna, witin nani maikabi ba yabisna.

Sakaraya 9:12

¡Man nani tasbayam wina kangbi mai sakan, sakuna kli balaia bîla kaikisma ba, kan kahbaika pliskam ra kli tawi bal!

Hibru Nani 12:26

Baha piua ra, Gâd bîla baikra ba mita tasba na yan nikwan; sakuna nanara witin naku wisa: “Kau aima kumi tasba na munrika nikbia, bara tasba na baman apia, sakuna kasbrika purara ba sin.”

Param Marikanka 11:13

Baha sim piua tasba nikban tara kum takan, bara tawan ba mânka matawalsip daukan wina kumi ba kauhan, bara tasbaya nikbanka ba mita upla 7,000 pruan. Uplika nani pruras swakwan ba sibrin tara alkan, bara kasbrika purara Gâdka ra mayunra yabi kan.

Param Marikanka 11:19

Bamna Gâd tempelka kasbrika purara ba kwawan, bara lâ auhbaia watla ba tempel ra kaikan kata. Bara imyula nani, bin nani, alwani nani, tasba nikban sin kum takan, lî mâ tarka tara nani sin auhan.

Param Marikanka 16:18

Bara imyula nani, bin nani, alwani nani, tasba nikbanka tara kum sin takan. Baha tasba nikbanka karna ba sât upla nani paskan ba wina kau âpu kan; naha sika sut purkara kau saura kan ba.

1 Samuil 15:29

Kan Gâd ba sika Israel prana, witin kunin aisaras, kli ai kupia lakras, witin ba upla apia sa kli ai kupia lakaia.