Joel 3:11 - DAWAN BÎLA AISKA

¹¹ Nisan nani, wals, man nani wan lama kir iwi banhwi nani sma ba sin, ¡man nani aihni muni taks! ¡Dawan, nanara aiklaklabra kum karnakira nani ba blîkka balbia!

Joel 3:11 ပူးပေါင်းရင်းမြစ်များ

Lawana Nani 103:20

¡Dawan ba yamni pali sa, insal karnakira nani, mayuns! Man nani ai adarka kat daukisma ba, ai bîla wali daukisma nani ba.

Aiseya 10:34

Unta tara twakni pali pâwan ba asa kum ni klakbia, Líbano pranakira ba sin bin tara wal kauhbia.

Aiseya 13:3

Upliki karnakira nani ra adar yâri, baku sin tahpluki nani ra adar yabri, yang pura luisna ba, witin nani lilia bri nani ra, yang klala blikisna ba alki brih daukbia.”

Aiseya 37:36

Bara Dawan insalka ba taki wan bara upla 185,000 ikan Asiria nani kiampka ra; witin nani titan buan ba ra, kaikan witin nani wîna tara sut ba, upla pruan man kan.

Joel 3:2

Nisan nani ba sut asla kukamna, bara Josafat ilka bîla ra brih wamna; bara yang bui witin nani lâka daukamna, witin nani, yang upliki Israel luhpia nani ra munan ba tâwan. Witin nani mita, Israel luhpia nani ba munan, ai tasbaya wina taki tasba wala nani ra plapan, bara tasbaya ba witin ai mânka taki yui ai dukia brin.

Miqueas 4:12

Ban sakuna, baha uplika nani Gâd lukanka ba kaikras, witin dîa daukaia ba tânka sin briras sa; witin baha uplika nani ba asla kukan kabia, plawar mâ klubanka nani kapaia watla ra wahbi brin ba baku.

Sofonías 3:8

Baku ba mita, man nani baha yua bîla kaiks, yang bui man nani mampara aisaia kamna ba. Yang, Dawan, kasak aisisna: Pat kupi wal aisari, nisan nani sut, king tasbaya nani sin sut asla dauki, lawanki ba witin nani purara laikamna, kupi baiwanka laptika ba. ¡Kupi baiwan pâta klauhanka ba wal, tasba aiska ba sauhki swimni!

2 Tesalonaika 1:7

bara man nani pât wahwisma ba ra ris maikbia, yang nani ra sin. Naha ba takan kabia, Dawan Jisas kasbrika pura ba wina, pauta klauhi tilara bara ai insalka karnakira nani aikuki latan bal takbia piua ra.

Param Marikanka 19:14

Kasbrika purara war daknika nani ba aras pihni nani purara uli, linin kwalka painkira, pihni bara klin dimi, ai nina bliki kan.