Joel 2:6 - DAWAN BÎLA AISKA

⁶ Upla witin nani ra kaiki ba ra tatatwisa, ai mawan tâlia sin âpu takisa.

Joel 2:6 ပူးပေါင်းရင်းမြစ်များ

Lawana Nani 119:83

Yang na upla almuk umpira, upla sut ai âuya ai tikan, sakuna yang lika, man lâmka nani âiya tikras.

Aiseya 13:8

Upla sut sibrin pali dauki kabia. Kupia wirhika sarka tara pali, witin nani ra taibia, mairin luhpa baikaia latwanka alkan ba wina sip swak takras ba baku. Pana pana sirang iwi tawi kaiki kabia, ai swira ba ai mawanra ingwi kabia.

Jirimaya 30:6

Man nani makabi wals, waitna kum aisubaia sip sa sapa. ¿Bara dîa muni waitna nani ba latwan bri ai warbisa, luhpa baikaia latwanka bri ba baku? ¿Dîa muni witin nani sut mawan tâlia âpu takan ba?

Jirimaya 8:21

Upliki nani pât wahwi ba tâka mita, yang sin pât wahwisna; kupi wirha sibrin mita ai taibi ai brisa.

Inanka Nani 4:8

Kuna nanara witin nani ba, kanra siksa sa, tihmia tara ba wal; tawan bîla yabalka nani ra sin, upla kumi bui sin witin ra kaikras kabia. Ai wîna taya nani ba ai dusa nani kat prawan sa, ¡dus lâwan baku sin takan sa!

Nahum 2:10

Ninibi ba sauhkan sa, diara âpu bîla baman sa, ami luan baku sa. Sibrin mita upla nani sut kupia ba untrira baku takan sa, lula nani ba sin tatatwisa, upla sut ba karnika âpu takisa, bara upla sut mawan tâlia sin âpu takisa.

Nahum 2:11

¿Layan watla untika nani ba ra kau dîa takaskuya ki, layan luhpia nani takaski yukuwaika ba ra? Bahara sika layan nani ba, ai luhpia nani aikuki, ai yukuwaika watla karnakira bri kan ba; upla kumi bahara dimi, witin nani ra sirang ikaia âpu kata.