Joel 2:13 - DAWAN BÎLA AISKA

¹³ Man nani, Dawan Gâdkam ra kli tawi bal, bara kupiam brinka saura ba kalki sâks, prâmka kalkaia watlika ra, Dawan ba kupia lukra swapni lupia sa, umpira kaikan lâka sin brisa, ai kupia alki takaskisa, latwan kaikan lâka sin marikisa, wilin sa klala maiki ba, mahka takaskaia sin.

Joel 2:13 ပူးပေါင်းရင်းမြစ်များ

Blasi Sturka 37:29

Ruben ba bâra âpu kan. Baha ningkara witin balan, bara Josep kaikaia liwanhta ba ra wan, sakuna witin liwanhta ra âpu kan. Bara Ruben sari pali taki, iwi ai prâka kalkan.

Blasi Sturka 37:34

Bara Jekob ai prâka kalkan, kwala siksa diman, bara piua wihka ai luhpia pruan ba sarka brih iwi kan.

2 Samuil 1:11

Bamna Debit bara ai uplika nani sut, ai prâka kalkan ai kupi wirha diman ba tânka,

1 King Nani 21:27

Bara Ahab naha bîla nani sut walan, bara ai prâka nani kalkan bara sari kwalka diman, plun sin piras, baha kwalka wal ban yapan, bara ai kupia bawikira ban tauki kan.

2 King Nani 22:11

Bara king ba naha Lâ wauhkataya aisi kaikan walan ba ra, ai prâka ba kalkan,

2 King Nani 22:19

bara man kupiam ba sin swapnikira pali takan, bara Dawan lamara sin bawram naha bîla ba tawan uplika nani mapara aisisa bara naha tasbaya ra iwi uplika aiska ba mapara sin, witin nani sut ba âpu pali daukbia saurkira nani ba, bara man prâmka ba kalkram, ba purkara sin yang maiwanra inram ba sin yang walri. Yang, Dawan, man ra aisisna.

2 King Nani 5:7

Bara Israel kingka ba naha wauhkataya aisi kaikan ba ra, ai prâka ba kalkan, bara win: —¿Yang na Gâd ki, upla rayaka yabi ba bara saki ba, bara naha na yang ra blikaia ai liparka ba wina rakaia? ¡Nanara aman kaiks, nahki yang maipara mini prukaia taukisa sapa!

2 King Nani 6:30

Bara king ba baha mairka aisanka ba walan ba ra, ai kupia sauhkan tukinka baku ai prâka nani ba kalkan. Bara baha tawan kutbanka ba purara kan bamna, upla nani ba kaikan king ba sari dauki kwalka dimi kan ba.

2 Kronikas 6:27

kasbrika purara pali ba wina man wali kama, bara man albikam nani bara uplikam Israel luhpia nani saurka ba ban swih tikma, yabal yamni ba mariki kama bara witin nani bahak impaki tauki kabia, bara ai tasbaya purara lî yabrika auhbia, man bui witin nani ra yaram ba, ai almukka nani tasbaya ra.

Nihimaya 9:17

Witin nani baha walaia ai brinka apia kan, purkara sin man bui diara aihkakira bara tara witin nani ai hilpka ra daukram ba ai kupia krawras kan, ai kiamapara lâka ra, ai tâ brabrira kum mangkan bara kli alba lâka ra Idsip ra brih wan. Ban sakuna, man sika Dawan, upla pâtka swih tatikra Gâdka, kupiam swapni, umpira kaikan lâka brisma, pat pali kupiam baiwras, bara latwan kaiki bara umpira kaikan lâka sin manis pali brisma, ba mita lulki swiras kapram.

Job 1:20

Bara Job ba ai kupia wirhika wal ai mina ra buan bara ai prâka kalkan, ai tâwa klakan, bara bawan mayunra lâka dauki natka ra.

Lawana Nani 103:8

Dawan ba upla ra tawa munisa, bara kupia swapni sa, wihka sin bîla kaikisa, ai latwanka lâka bri ba mita.

Lawana Nani 106:45

witin ai kupia kraukan baha nani wal lâ daukata ba; bara ai lukanka kata ba lakan, kan ai latwanka lâka ba tara pali sa bamna;

Lawana Nani 34:18

Kupia lukra kriwan bara bîla kaikanka sin âpu takan uplika ba lamara Dawan bâra sa, witin baha uplika nani ba swaki sakaia dukiara.

Lawana Nani 51:17

Wan spiritka kriwan ba sika, Gâd ra prisant yaia; Gâd, man upla ba ai kupia wirha bawikira mai pliki ba, man sip lulki swima apia.

Lawana Nani 86:15

Sakuna, man Dawan, latwankam swapni brisma ba wihka bîla kaikisma, lamtwanka lâka bara kasakkam lâka ba wal.

Lawana Nani 86:5

Dawan, man yamni sma, wan pâtka nani swih tikisma; man ra ai pura suni nani ba sut ra, latwan kaikisma.

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 58:5

¿Man nani lukisma kaiki plun wahwaia sari takisma ba, baha yang yamni kaikisna, lamla makupisma ba snati lapatwan baku, yamhpus tasba ra yakabi kwala siksa dimi baha purara aitnikisma ba? Baha ba man nani wisma: ‘¿Kaiki plun wahwisma ba tânka’, bara baha yua ba yang yamni kaikisna?

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Jirimaya 36:7

Baha wali ban kra witin nani Dawan ra ai pura sunbia, bara ai daukanka saura nani ba swibia, kan Dawan ai kupia baiki, karna lawi naha uplika nani mapara bîla karna aisin sa.”

Jirimaya 41:5

Siquem, Siló bara Sameria wina sin 80 waitna nani balan, uplika nani ba ai unmaya irban, prâka nani ba kalwan, taya ba sin insauhkan kan, witin nani mita ai taya ba klakan. Witin nani bri balan plun nani kîa pain angkaia dukia nani Dawan ra sakripais dauki yaia tempelka ra.

Jirimaya 42:10

‘Man nani naha tasbaya ra takaski iwaia wilin sma kaka, man nani ra diara yamni nani takaia daukamna; mai sauhkamna apia, mai mangkamna bara kli mai daikamna apia, man nani mai sauhkaia baha pâtka blikri ba kupi wirha takisa.

Isikiel 9:4

Bara win: “Jerusalem lila bâk lui was, bara sain kum mangks upla nani lal purara, baha nani sari bri nani ra, baha saurka nani witin nani ai tilara dauki ba dukiara.”

Oseas 14:1

¡Israel, Dawan Gâdkam ra, kli tawi bal, man saura daukram ba tâka mita sika kauhram ba!

Jona 3:9

yawan baku daukbia kaka, ban kra Gâd wan lawbia apia, bara yawan raya kabia.”

Jona 4:2

Bara Dawan ra ai pura suni, naku win: —Kaiks, Dawan, naha naku takaia ba yang pat aisari kan kau waitla ra katna ba ra. Baha mita sika Tarsis ra aihni plapaia lukatna ba, kan yang kaikisna man kupiam lukra ba swapni sa, upla ra kupiam baiki si kli pat umpira kaikisma, upla ra latwan pali kaikisma ba mita rausauhkaia pâli si, kli pat kupiam lakisma.

Miqueas 7:18

Man wal baku Dawan wala âpu sa, kan uplikam kau swin ba mampara buan ba bara saurka ba sin ban swih tikisma. Man kupiam baiwanka ban pali alki briras sma, sakuna lilia sma kupiam pihni lâka ban mariki kaia.

Nahum 1:3

Dawan ba piua wihka ai kupia alki takaski brisa, sakuna witin karnika tara brisa, bamna pâtkira ba lika witin klala yabras ni ban swibia apia. Dawan ba skwal pura bâk wapisa; bara kasbrika pihni nani ba, witin ai mina auhika pukpukika nani sa.

Kulki Kaikanka 14:18

Pat pali kupiam sauhkpara bara kupiam takaski bris; kupiam pihni lâka ba kau tara sa, watawika lâka mapara buan lâka sin pâtkas ra swiras sma sakuna, man uplikam nani saura dauki ba ban klala yabisma, aisika bara yaptika nani watawika ba, luhpia nani ra, mulika nani ra, snawika kat.

Roman 2:4

Apia kaka, ¿man lika Gâd yamnika manis ba, bara wihka takaski lâka ba sin bahki kulkisma, bara damra sin walras pali sma, Gâd yamnika lâka ba lika kupiam lakaia dukiara sa?

Epesus 2:4

Sakuna Gâd lika umpira kaikan lâka tara pali brisa, baha mita witin yawan ra uya latwan wan kaikan,

1 Timoti 4:8

Wan wîna tara wark taki ba pain sa, sakuna Gâd ra luki kaia ba lika diara sut mapa ra kau pain sa; kan baha diara wankaia pramis wan munisa, tasba ra raya iwi kaia ba, bara naika rayaka briaia ba sin.