Job 9:6 - DAWAN BÎLA AISKA

⁶ Witin tasba nikban nani blikisa, tasba ai playka bapanka nani ba sin munan nikwisa.

Job 9:6 ပူးပေါင်းရင်းမြစ်များ

Job 26:11

Gâd mita tâ iki ba ra, sibrin mita il nani kasbrika tâ baiki ba sin tatatwisa.

Lawana Nani 114:6

¿Dîa man nani ra takan, il nani bara il unta tara nani man nani srutwi katma ba, guts bara sîp lupia nani baku?

Lawana Nani 114:7

¡Tasba man, tatatwi bas, Dawan mawanra, Jekob Gâdka!

Lawana Nani 75:3

Ani yua ra tasba ba nikbisa, upla nani tasba ra iwi ba sut aikuki, yang bui sika baha playka nani ba alki brisna ba.”

Aiseya 2:19

Dawan bal tasba aiska na sirang ikbia, bara walpa tara baiwanka nani ra upla nani ba dimbia, tasba untika nani ra sin; sibrinkira Dawan mawan wina yukuwbia, ai mawan ingnika ba wina sin.

Aiseya 2:21

Witin nani walpa tara baiwanka nani ra dimbia, walpa tara klukia ra, sibrin tara ba mita, Dawan mawan wina yukuwbia, ai mawan ingnika ba wina sin, witin bal tasba na sirang ikbia ba ra.

Aiseya 24:1

Man nani kaikma, Dawan mita tasba bilara diara âpu swibia, diara nani ba sauhkbia, lulki bataki swibia, upla nani ba sut plapaia.

Jirimaya 4:24

Bara kli tawi il nani ra kaikri, bara baha nani sin tatatwi kan; il sirpi nani ba sin nikwi kan.

Joel 2:10

Tasba ba witin nani ai mawanra nikwisa, purara kasbrika ba sin tatatwisa, lapta bara kati sin ai ingnika ingras, slilma nani ba sin ingnika âpu takisa.

Hageo 2:21

witin Juda wihtka tara Zorobabel ra wiaia: “Yang kasbrika pura bara tasba ba sin nikbamni;

Hageo 2:6

Pat pali yang kasbrika pura ba, kabu, tasba sut nikbamna.

Hibru Nani 12:26

Baha piua ra, Gâd bîla baikra ba mita tasba na yan nikwan; sakuna nanara witin naku wisa: “Kau aima kumi tasba na munrika nikbia, bara tasba na baman apia, sakuna kasbrika purara ba sin.”

Param Marikanka 20:11

Bara yang lika king iwaika pihni kum kaikri, baha purara iwi kan ba sin. Ai mawan wina tasba bara kasbrika pura ba aiska lap tiwan, bara baha nani pliska kumi sin sip kaikras kan.

1 Samuil 2:8

Gâd ba umpira nani ra alki tasba wina bukisa, makakabra umpira nani ba dipasta wina sin, witin nani ra yabisa, wihta tara nani wal iwaia, upla tara kulkan nani ba tilara iwaika ra yan iwisa. Kan Dawan ba sika tasba playka nani bapan ba dawanka, bara baha nani purara sika tasba na mangkan sa.