Job 9:4 - DAWAN BÎLA AISKA

⁴ Gâd ba tara pali sa karna kaia lâka mapa ra, bara sins lâka mapa ra sin, ¿bamna ya sip sa witin mapara aiklabi pura lui si pri kaia?

Job 9:4 ပူးပေါင်းရင်းမြစ်များ

2 Kronikas 13:12

Damra wali banhwi bas, kan yang nani kainira Dawan ai prîska nani aikuki bâra sa, bara ridi banhwisa war trumpit ba puhbaia man nani mampara. Baha mita, Israel luhpia nani, Dawan mapara war bukpara, kan almukkam nani Gâdka sa, bara man nani sip pura luma apia.”

2 Kronikas 20:6

bamna naku winan: “Dawan, wan damika nani Gâdka, man sika kasbrika purara ba Gâdka, man nisan nani tâ brih wapisma, man mihtam ra sa karnika ba, upla kumi sin man mampara buras.

Job 11:6

Witin sins lâka tânka yukuwan ra ba mamrikbia, baha ba uya pali karna sa tânka briaia. Baku lika kaikaia kapram Gâd mita man klala briaia kapram ba praiska sin kau maikras ba.

Job 12:13

Sakuna Gâd ba sinskira bara karnakira sa; witin mita diara nani daukaia tânka ba luki sakisa bara tnata alkisa.

Job 15:13

¿Dîa muni Gâd mapara buisma, bara twisam alki takaskras sturi aisisma?

Job 23:6

Sakuna witin ban maipara karna aisabia apia, ban sakuna witin bui yang ra ai wali kabia.

Job 24:22

Sakuna Gâd mita ai karnika ba ni upla karnakira nani ra batakisa, witin ai warkka dauki ba ra upla kumi sin swak takaia tânka âpu sa.

Job 28:23

Sakuna Gâd lika sins lâka yabalka ba kaikisa, witin baman tânka brisa anira sakaia sip ba.

Job 36:5

Gâd ba lika karnakira pali sa, bara sinskira tara pali sa, bamna witin pâtkas uplika ba baha kulkras sa.

Job 37:23

Sip tânka briras wan munisa, Gâd karnika sut bri ba dukiara, kan witin ba karnikira, kasakkira tara pali sa, witin ba wapni sa, upla kumi ra sin taibras sa.

Job 38:36

¿Ya mita man kupiam ra sins lâka ba mangkan sa ki, tnawira nani kakma yari ba bara kalila wainhka tara sin?

Job 38:37

¿Yamna kau sinskira ba bara tânka brisa klaut an bâra sa tânka ba? ¿Ya bui sip sa ki bîla baman sakaia, bara baku mika ai laya ba auhbia,

Job 40:9

¿Dîa man ba yang baku karnakira sma ki? ¿Man bîlam baikra ba, yang bîli baikra alwani ba baku sa ki?

Job 41:2

¿Ai kakma ba kiwa tara ni wilkaia sip kama ki, kmakmaya ra dus alhnira kum dingki lukaia sip kama ki?

Job 6:10

Wîni latwanka nani saura ai taiban ba mita, yang ra maisi nihkra tara kum kabia, bamna piu bani Gâd kasakkira lâka ba holikira kulkri.

Job 9:19

¿Karnika lâka bri ba plikaia? Witin ba kau karnika brisa ¿Lâ ra balaia paiwaia? ¿Bara ya mita munka bal lâ mawanra bubia?

Lawana Nani 104:24

¡Dawan, man nahki diara nani ailal daukram sa! Baha nani sut daukram ba, sins lâka wal; ¡tasba ba man paskram dukia nani baman banhki sa!

Lawana Nani 136:5

Witin sika kasbrika purara ba paskan sins lâka ni, ai latwanka lâka ba ban kaia ra ban sa bamna.

Impakan Sturka 15:7

Man karnikam tara pali ba wal waihlam nani mampara buan ba, minam ra taibram; kupiam baiwanka ba pauta klauhan baku sa, bara witin nani ba twi lâwan baku angkram.

Impakan Sturka 9:7

King fero upla blikan wan Israel luhpia nani daiwra nani kaikaia. Bara kaikan baha nani kumi sin pruras kan. Ban sakuna, witin ban kau ai kupia karna daukan, Israel luhpia nani ba swin taki waras kan.

Sins Lâka 28:14

Yamni pali sa, Dawan sibrinka brih ban luki uplika ba, sakuna ai kupia karna dauki ba uplika lika trabil ra kauhi dimbia.

Sins Lâka 29:1

Kli kli upla kupia kraukan ban ai lal karna dauki brukwi ba, tisku bâk krikan kabia, rakaika sin âpu kabia.

Aiseya 45:9

Slaubla sumika, sin sumi wala nani ba wal baku sa, ya mita paskan ba mapara slaubla ba sip aisaras: “¿Man dîa daukisma?” Witin mita paskan ba sin sip wiras: “¿Man wark takaia lan âpu?”

Jirimaya 50:24

Babilon, man sika klauna minam alkaika ba paskram, bara damra walras kli bahara kauhram, daiwan ra alki baku mai alkan, kan man Dawan mapara buram bamna.

Daniel 2:20

naha bîla nani aisi: “Gâd nina ba ban kaia ra yamni kulkan kabia, kan sins lâka bara karnika ba man brisma bamna.

Nahum 1:3

Dawan ba piua wihka ai kupia alki takaski brisa, sakuna witin karnika tara brisa, bamna pâtkira ba lika witin klala yabras ni ban swibia apia. Dawan ba skwal pura bâk wapisa; bara kasbrika pihni nani ba, witin ai mina auhika pukpukika nani sa.

Roman 11:33

¡Nahki Gâd yuyaka lâka ba, ai sinska lâka ba, bara diara tânka kaikaia lâka bri ba tihu pali sa! Witin ai lâka ba tânka yawan mita sip tânka briras, bara ai yabalka nani tânka ba sin sip kaikras sa.

1 Korint 10:22

¿Apia kaka, yawan mita Dawan ba kupia tuskaia want sa ki? ¿Yawan na witin purkara kau karna banhwisa ki?

Epesus 1:19

bara ai karnika ba sin tara pali bara tnata âpu sa, bamna baha karnika sika yawan bui witin ra kasak lukan nani bani ra ai warkka dauki ba. Naha sim karnika sika Gâd mita karnika aiska aihwa pali ni wan marikan,

Epesus 1:8

Gâd ai latwanka lâka manis ba, tânka param wan marikan sins lâka bara diara tânka kaikaia lâka sin wanki ba mita,

Epesus 3:10

Bamna baku takan, baha mita nanara serts bâk Gâd ai sinska lâka sât sât ba yaka param kaikbia, baha nani kasbrika purara tâ aimaki nani ba bara karnika alki nani ba sut.

Epesus 3:20

Bara Gâd ra mayunan kabia, witin lika sip pali sa yawan dîa makabia ba bara wan kupia ra luki ba sut kau pura luki daukaia, ai karnika yawan ra wark dauki ba ni.