Job 9:32 - DAWAN BÎLA AISKA

³² Waitna wala kumi wal baku, yang mita sip Gâd wal maiwan kat aisaras, bara sip wimna apia, kaisa yawan wal lâ mawanra waia.

Job 9:32 ပူးပေါင်းရင်းမြစ်များ

Job 33:12

Sakuna baha sut ba lika bahki sa, Gâd sika upla nani wal kau tara ba.

Job 33:7

Baha mita yang dukira dîa mata sibrin lukaia ba âpu sa, bamna yang mita man puramra lâ mangkamna apia.

Job 9:14

¿Bamna nahki pali, dîa bîla nani aisi sakamna Dawan mapara aisaia?

Job 9:19

¿Karnika lâka bri ba plikaia? Witin ba kau karnika brisa ¿Lâ ra balaia paiwaia? ¿Bara ya mita munka bal lâ mawanra bubia?

Job 9:3

Upla kumi ai raitka briaia wibia, witin wal aisi blahwi natka ra, Gâd mita pana diara tânka tausin dukiara makabi walbia kaka, upla pana diara tânka kumi dukiara sin mapara aisaia âpu kabia.

Job 9:31

Gâd mita drapapa tâski luklukia ra ai dingkbia, bara yang kwailka pali mita ba sin tâski pali ai kulkbia.

Lawana Nani 143:2

Man nampakan ra diara walaia paiwpara, kan man mamwanra upla kumi sin pâtkas ba âpu sa.

Smasmalkra 6:10

Nanara diara nani bâra ba, kan piua wina nina nani yan sa, bara sin nu sa dîa ba; upla kum ba sip aiklabras sa, witin wal kau karna ba wal.

Aiseya 45:9

Slaubla sumika, sin sumi wala nani ba wal baku sa, ya mita paskan ba mapara slaubla ba sip aisaras: “¿Man dîa daukisma?” Witin mita paskan ba sin sip wiras: “¿Man wark takaia lan âpu?”

Jirimaya 49:19

Yang kakalni balamni, Jordan awala ra unta tila wina layan kum taki aula ba baku, witin bal taki auya inta wahia pâwi ba tasbaya kat, Edom uplika nani ba munrika baha wina plapbia, ban sakuna uplika ba yarka bahara wihta aimakbia. Bamna, ¿ya yang wal prakaia sip sma? ¿Ya bal yang, maiwanra buaia sip sa? ¿Ani sepadka ba yang maiwanra bal bapi buaia sip sa?

Kulki Kaikanka 23:19

Dawan ba lika upla baku apia sa: witin kunin aisaras, witin dîa lukan ba sip lakras sa. Witin dîa daukaia aisi ba daukisa. Pramis daukan kaka, witin ai pramiska daukaia win ba kat daukisa.

Roman 9:20

Bara man, upla, ¿man ba ya sma Gâd mapara unsabaisma ba? ¿Slaubla dakawa bui ai papaskra ra sip sa ki wiaia: “Dîa kan naku pali ai paskram?”

1 Jan 3:20

bara wan kupia ba pâtkira wan sakisa kaka, Gâd ba wan kupia wal kau tara sa, bara witin sin diara sut kaikisa.

1 Samuil 16:7

Sakuna Dawan bui witin ra win: “Mawan painka ra kaikpara, ai pâwanka ra sin apia, baha sut ba yang bahki kulkri sa. Yang lika waitna diara kaiki ba baku kaikras; upla lika mawan painka ra bamna kaikisa, sakuna yang lika kupia kat kaikisna.”