Job 9:12 - DAWAN BÎLA AISKA

¹² Witin diara kum dawanka takbia kaka, ¿ya sip sa makabaia dîa witin dauki ba dukiara?

Job 9:12 ပူးပေါင်းရင်းမြစ်များ

2 Samuil 16:10

Sakuna king ba pana win: —Seruiá luhpia nani, naha lâka na man nani mita daukaia apia sma. Witin bui yang ra laihtubisa kaka, Dawan bui baku witin ra adar yan ba mita sika. Bara baku sa kaka, ¿ya sip sa ki witin ra diara tânka makabi walaia witin dauki ba?

Job 1:21

Bamna naku aisata: —Kwala luha tasba ra balri, bara kwala luha naha tasba wina wamna. Diara sut Dawan mita aikan, bara Dawan mita sin kli mihti dakban; ¡Dawan nina ba ban mayunan kabia!

Job 10:7

Man kasak kaikisma yang na pâtkas sna, bara upla âpu sa man karnikam mununhta ba wina ai dakbi ai sakaia.

Job 11:10

Gâd bal upla ba silak ra mangki lâ ra paiwbia kaka, ¿ya bui sip kabia ki baha lâka krikaia?

Job 23:13

Witin dîa kum daukaia brin daukisa kaka, daukbia, diara âpu sa baha ba takaskaia.

Job 33:13

¿Dîa muni mawan kat param aisisma, dîa aisinkam nani ba mapara bîla kumi sin aisabia apia wisi?

Job 34:29

Bara Gâd ba sâp kabia kaka, ¿ya mita witin ba pâtkira sa wibia? Ai mawan ba yukukbia kaka, ¿ya ai mawan ba kaikbia ki? Witin bui tawan sut dukiara aihwakisa, upla kumi bani dukiara sim baku.

Smasmalkra 8:4

King bîla ba tnata prakaia karnika brisa, bara upla kumi sin baha daukanka dukiara makabi walbia apia.

Aiseya 43:13

Yua nani bal takaia kau kainara, yang Dawan pat bâra kapri, upla wala âpu sa yang mihti wina pri mai sakaia. Baha yang daukisna ba, upla âpu sa baha slingbaia.”

Aiseya 45:9

Slaubla sumika, sin sumi wala nani ba wal baku sa, ya mita paskan ba mapara slaubla ba sip aisaras: “¿Man dîa daukisma?” Witin mita paskan ba sin sip wiras: “¿Man wark takaia lan âpu?”

Jirimaya 18:6

“¿Yang sin sip apia sna ki man nani Israel wal slaubla nani diara papaskra dauki ba baku daukaia? Man nani ba yang mihti ra sma, diara papaskra slaubla ai mihta ra bri ba baku. Yang, Dawan, kasak aisisna.

Daniel 4:32

Upla nani tila wina taki daiwan nani tilara takaskma; bîp wainhka nani baku mani 7 twi pi kama, Gâd baman nisan nani sut purara karnika bri ba tânka brima ba kat, bara witin sika naha tasba ra, ya king kaia ba mangkisa.”

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Matiu 11:26

Âu, Aisa, kan man baku want kapram.

Matiu 20:15

¿Yang lalahki ba wal dîa want sna ba kat daukaia sip apia sna ki? ¿Apia kaka, yang kupi pain ba mita man tumisma ki?’

Roman 11:34

Bamna Ulbanka ba wisa: “¿Ya Dawan lukanka tânka ba brin ki? ¿Ya mita witin ra lâ smalkan ki?

Epesus 1:11

Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.