Job 8:3 - DAWAN BÎLA AISKA

³ Gâd karnika sut bri ba, aima kumi sin kasakka lâka ba bara wapni lâka ba wal warbi laki aisaras.

Job 8:3 ပူးပေါင်းရင်းမြစ်များ

Blasi Sturka 18:25

¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?

2 Kronikas 19:7

Bara Dawan ra kulkanka yas, bara sin damra wali banhwi bas dîa daukisma ba, kan Dawan wan Gâdka ba, lâ kat daukras nani ra yamni kaikras, pâtkira nani ra ban swin kabia apia.”

Job 10:3

Man mita sika baku ai paskram ba, ¿bara baku aitani lukisma ki, swiri dauki baku ban ai sauhkaia bahki ai kulkaia, bara man mita upla saura nani, diara saura daukaia ai lukanka ra paski ba tâ baikram?

Job 19:6

Sakuna luki bas, Gâd mita sika ai batakan na, witin mita sika mini alkaika kiwka nani ba mangkan.

Job 19:7

Yang bîli baikra winisna: “¡Ai iki banhwisa!”, sakuna upla kumi sin uni kahbras; hilp makabisna bara upla kum sin wapni lâka kat tâi baikras.

Job 21:15

¿Gâd, karnika sut bri ba yamna sa, bara yang nani witin dukia daukamna? ¿Witin mawanra puri suni banhwamna kaka, dîa brimna ki?”

Job 21:20

Witin klala briaia sa, baha Gâd, karnira sut bri ba lawanka tara ra.

Job 34:5

Job naku wisa: “Yang na pâtkas sna, sakuna kasak sna ba Gâd mita ai kulkras sa.

Job 35:13

Gâd karnika sut bri ba, kunin lâka nani ra tawi walras sa.

Job 36:23

Witin dîa daukaia ba mapara upla kumi mita sin diara wiaia ba âpu sa, dîa saura daukbia sin mapara aisaia ba sin âpu sa.

Job 36:3

diara tânka kaikaia sip sna ba, laihura mangki kaikamna, baku lika mairikbia nahki papaskra ba kasak sa.

Job 37:23

Sip tânka briras wan munisa, Gâd karnika sut bri ba dukiara, kan witin ba karnikira, kasakkira tara pali sa, witin ba wapni sa, upla kumi ra sin taibras sa.

Job 4:17

“¿Upla kumi sip sa ki Gâd mawanra kasakkira kaia, bara ai Papaskra mawanra sunukira pali takaia?

Job 40:2

Man sika yang maipara lâ aisanka kum brisma wiram, ¿Gâd karnika sut bri ba mapara, kau ban ai aisaia lukisma ki?

Job 40:8

¿Bara ai wiaia lukisma ki pâtkira bara kasak apia sna, bara man lika pâtkas pali sma?

Lawana Nani 89:14

Man king iwaikam ba kasakka lâka, bara upla raitka bâra bapan sa, latwan lâka ba bara kasakka lâka ba wal prawisa.

Lawana Nani 99:4

Man ba king kum karnakira sma, man sin kasakka lâka ra latwan kaikisma man bui bapram, wal baku kaia lâka ba; Jekob luhpia nani ra, kasakka lâka ba bara wapni kaia lâka ba sin.

Isikiel 18:25

Man nani wima yang ba kasak lâka kat diara daukras sna; sakuna Israel uplika, wals, ¿man nani lukisma yang kasakka lâka daukras? ¿Baha ba kir lakisma, man nani saura dauki ba?

Isikiel 33:17

Tawankam uplika nani wiaia sip sa yang kasak lâka kat daukras sna; sakuna rait pali ba lika, witin nani sa kasak lâka kat daukras ba.

Isikiel 33:20

Man nani kli aisisma: ‘Dawan ba diara kasak kat daukras.’ Sakuna yang bui Israel luhpia nani, man nani kumi bani lâmka daukamna, dîa dîa daukram ba kat.”

Daniel 9:14

Baha mita, Dawan, man naha klalka nani saki yang nani purira blikram, kan man ba sika Dawan wan Gâdka sma ba, diara sut daukisma ba tilara man ba ban kasak sma, yang nani bui man ra mai walan wan daukras kan.

Roman 2:5

Sakuna man lika kupiam karna pali sa, ba mita kupiam lakaia sin want apia sma. Bamna man mita puramra pât tara mangkisma, Gâd kasakka lâka kat lâ dauki marikbia ba yua ra;

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!

Param Marikanka 15:3

Baha witin nani Gâd dukia dadaukra, Moses lawana aiwani nani kan, Sîp Luhpia lawana ba sin. Bara baha lika naku kata: “Dawan Gâd, karnika sut brisma ba, diara aihkakira daukram ba sut tara bara painkira pali sa. Nisan nani Kingka, yabalkam nani ba wapni bara kasakkira pali baman sa.

Param Marikanka 16:7

Altar ba wina sin bîla baikra kum aisi kan walri: “Âu, Dawan Gâd, karnika sut brisma ba, man ba kasak lâka kat bara wapni lâka kat lâ daukram sa.”