Job 7:5 - DAWAN BÎLA AISKA

⁵ Wîni tara aiska na liwa pali baman sa, bara sukwan blaska nani sin; bara taiya purara insauhkan nani ba, sukwi mabiara taki laiwisa.

Job 7:5 ပူးပေါင်းရင်းမြစ်များ

Job 13:28

Diara sukwan baku yang na ban âpu taki auna sa, kwala yula mita pi âpu dauki ba baku.

Job 17:14

¡Aisiki, yaptiki, muihki nani ba liwa nani sa bara raiti sa sin!

Job 17:7

Naikra ba latwanka mita pukni takisa, wîni tara ba lika distika lilka kumi baku baman sa.

Job 19:20

Wîni taya na dusi kat prawisa, kau ban pali nahki muni raya sna.

Job 19:26

Taiya na pîs pîs ra kauhbia kra, yang pali silp Gâd ra kaikamni,

Job 24:20

Ai yaptika pali sin ai âuya tikbia, liwa nani mita pin kabia, bara upla kumi sin witin dukiara ai kupia kraukbia apia, upla saura ba, dus kum klakan kauhi ba baku kabia.

Job 9:31

Gâd mita drapapa tâski luklukia ra ai dingkbia, bara yang kwailka pali mita ba sin tâski pali ai kulkbia.

Aiseya 1:6

Man nani minam bîla wina lamla bahna kat, diara yamni kumi sin âpu sa; baha sut ba, insauhkan baman, prukan baman, taya sukwan baman sa; sîka mangkras, kwala wilkras, batana laiki latwanka ba sin daskras.

Aiseya 14:11

Naha kat prautkam lâka ba takaskan bara miusikkam, gitar tara binka ba sin. Man krikrikam ba uba umpira pali sa, man munhtampala ba, liwa nani sa.’

Aiseya 66:24

“Witin nani balbia bara kaikbia upla pruan nani ba baha nani maipara buan ba. Liwa nani baha nani ra pi ba sip pruras ban kabia, pauta klauhan witin nani ra angki ba sin daskbia apia. ¡Baha ba diara saura pali kabia upla sut mapara!”

Isikiel 20:43

Bahara kupiam krawbia, nahki man nani diara saura nani daukram ba; bara klauna âmya warbia, saurka nani daukram ba dukiara.

Apastil Nani Sturka 12:23

Baha sim piua pali ra, Dawan insalka kumi mita munan Herod ba siknis takan, kan mayunra ba Gâd ra yaras kan bamna. Witin ai wîna tara ba liwa mita pin, bara ban pruan.