Job 5:6 - DAWAN BÎLA AISKA

⁶ Saurka lâka ba tasba wina pâwi bal takras, sari lâka ba sin tasba wina urhwi takras.

Job 5:6 ပူးပေါင်းရင်းမြစ်များ

Job 15:35

Witin nani saurka lâka ni kwihra tiwan, bara pât saura ni aisubi sakan ai mâ saki ba lika, kunin lâka baman sa.

Job 34:29

Bara Gâd ba sâp kabia kaka, ¿ya mita witin ba pâtkira sa wibia? Ai mawan ba yukukbia kaka, ¿ya ai mawan ba kaikbia ki? Witin bui tawan sut dukiara aihwakisa, upla kumi bani dukiara sim baku.

Lawana Nani 90:7

Kasak sa, man lawankam ba mita âpu wan daukisa, ¡bara wan sinska sin tanis dauki swisa!

Aiseya 45:7

Ingni ba daukisna bara tihmia tara nani ba sin, kupia kumi lâka daukisna bara mapara buanka ba sin. Yang Dawan, yang naha diara nani sut ba daukisna ba.

Inanka Nani 3:38

Baku sin diara yamni bara diara saura nani ba, Laih Purara ba wina aula, witin baku takbia win bamna.

Oseas 10:4

Aisin, bara aisi baman sa, kunin baman pramis takisa bara wal lâ dauki nani ba, ulbi baman swisa; ai kasakka lâka ba inma puisinkira lainka ra mangkan wapni pâwi ba baku sa.”

Libait Lâka 25:5

Plawar pat ai mâ bri ba sin dâkma apia, wain kiwka dauhbras kapram ba, man nani ba sin dâkma apia, tasba ba aitani ris briaia sa bamna.

Emus 3:6

War aiklabaia trumpit ba tawan bilara puhbia kaka, upla nani ba tâ iwi sirang man sa. Tawan ra diara saura kum taki ba ra, baha ba Dawan mita blikan sa sika.

Kli Smalkanka 32:27

Sakuna waihla nani lawaska kiki ba yang want apia kapri; want apia kapri waihli ba aimayunbia bara wibia: Naha na Dawan daukras; yang nani karniki ni daukri.’

Hibru Nani 12:15

Man nani damra wali bas, upla kumi sin Gâd yamnika lâka ba wina ai ninara tawbiara sîa. Damra wali bas, man nani wina kumi sin dus tahpla kum pâwi ai puisinka ni upla ailal ra trabil muni ba baku kabiara.

1 Samuil 6:9

Sakuna naha kaiki bas: bîp nani ba Bet-semes yabalka ra wabia sapa, ai tasbaya mata, baha tânka ba wan marikisa Gâd wina wan purara ai lawanka ba blikan. Sakuna baku waras kabia kaka, baha tânka ba wan marikisa, Israel Gâdka wina klala ba wankras kan, sakuna klala ban baku bîla kaikras kan wan purara balan.