Job 5:4 - DAWAN BÎLA AISKA

⁴ Ai luhpia nani ra hilp munaia upla âpu sa; lâ dadaukra nani ba mita pâtkira pali baku kulkan sa; witin nani tâwan aisaia upla âpu sa.

Job 5:4 ပူးပေါင်းရင်းမြစ်များ

Job 1:19

pat pali upla iwras tasbaya tani wina pâsa saura kumi krawan, bara utla ba tnaya walhwal ra pruki bara utla tara ba luhpiam nani purara batakan, bara sut kat ikan. Yang baman baha tila wina swak taki aulna, sturka ba maisam pakaia.

Job 10:7

Man kasak kaikisma yang na pâtkas sna, bara upla âpu sa man karnikam mununhta ba wina ai dakbi ai sakaia.

Job 20:10

Umpira nani ra luhpia nani ba kli yan kabia, witin mita implikan ba.

Job 27:14

Ai luhpia nani ban ailal pali kabia sin, war ra prui banhwan kabia, apia kaka plun bla prubia.

Job 8:4

Kasak pali man luhpiam nani Gâd mapara saura daukan kaia sa, bara witin dîa klala witin nani ra yabaia kan ba yaban sa.

Lawana Nani 119:155

Man hilpkam ba watawi dadaukra nani wina laihura sa, kan witin nani man lâmka nani ba plikras bamna.

Lawana Nani 127:5

¡Lilia man sa baha uplika trisba manis bri ba! Baha nani ai waihla mita swira daukan kabia apia, wihta nani mawanra baha nani ra luki tniwi ba ra.

Lawana Nani 7:2

¡Swaki ai sâks, kan witin nani ba layan nani baku sa; swirka witin nani bui wîni ra bisbiara, swaki ai sakaia ba âpu kabiara!

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Sins Lâka 24:7

Taniskira ba, lâ aisi dauki ba mawanra, witin nani dîa aisaia tânka sip briras, kan sins tânka ba witin wina laihura sa bamna.

Emus 5:12

Yang kakaira sna, man watawankam nani ailal, bara saurkam ban dauki auma ba. Upla kasak nani ra taibi munisma kunin lâka ba brih, bara lâ daukaia pliska ra umpira nani ra raitka yaras munisma.

Jasua 20:4

Baha uplika swakwaia pliki ba, baha pliska nani kum ra wabia tawan dimaika kat, bara tawan almukka nani mawanra ai dahra param saki wibia. Bara witin nani ra yaka dimbia, bara plis kum yabia bahara iwaia.