Job 5:22 - DAWAN BÎLA AISKA

²² Sauhki tikan lâka tilara bara plun wahwan piua ra man kaiki kiki kama, bara daiwan saura wail nani ba sibrinka sin mai daukbia apia.

Job 5:22 ပူးပေါင်းရင်းမြစ်များ

2 King Nani 19:21

Naha bîla nani sika Dawan aisan ba Asiria kingka ba dukiara: “Saion tawanka ba, mairin tiara kum baku, Senaquerib, lamwaska kikisa. Man ninamra Jerusalem ba ai lal wauhisa man mahka taki auma ba ra wisi.

Job 8:21

Witin mita maikbia kli kiki kaia, bara lilia mita sin mai munka puram wini kama.

Lawana Nani 91:13

Limi nani bara layan nani purara sin man wapi kama; daiwan saura tara nani, bara piuta nani tilara sin wapi tauki kama, minam mununhtara man taibi bri kama.

Lawana Nani 91:6

siknis sâtka nani tihmia ra aula ba, yu lapta piua ra bal taki sauhki tiki ba sin apia.

Aiseya 35:9

Bahara layan nani bâra âpu kabia bara daiwan kraskira ba sin bahak lui wabia apia. Atki sakan uplika nani ba, baha yabalka ai impakaika yabalka kabia.

Aiseya 65:25

Yul wail ba sîp luhpia ba wal aikuki twi pi kabia, bara layan ba bîp wainhka ba wal asla twi pi kabia; piuta ba tasba yuya ba ai pata kabia. Yang ilki holikira ba, witin nani mita sarka paskbia apia, saura sin munbia apia.” Dawan baku aisin.

Isikiel 34:25

Witin nani wal lâ wilkanka kum daukamna, yabrika rayaka kum lamni kabia. Yabrika tiwbia kuntri daiwra wail nani ba. Baku sîpki nani ba sip kabia lamni ra iwaia, plis kum param ra bara unta tilara lika apia.

Oseas 2:18

“Baha yua ra, Israel dukiara yamni daukamni: daiwan wail nani ba wal lâ kum daukamni, tnawira, piuta nani aikuki; pantamangka, sord, war aiklabaia dukia nani ba, naha kuntrika wina sauhki âpu daukamni, yang upliki nani ba, ai âuyapah ris bri kabia dukiara.