Job 5:20 - DAWAN BÎLA AISKA

²⁰ Plun wahwan piua ra, prura wina dakbi mai sâkbia bara war aiklabanka piua ra, sord wina dakbi mai sâkbia.

Job 5:20 ပူးပေါင်းရင်းမြစ်များ

Blasi Sturka 45:7

Gâd mita man nani kainamra nâra ai blikan balri, man nani kiamkam ba tasba ra ban bâra kaia dukiara. Dawan wark aihkakira nani daukisa, man nani rayakam ba swaki sakaia mata.

1 King Nani 17:6

Bara kuskuspiram nani bui plun wîna wal sal yabi kan, titan bara tutni ra. Lî lika tingni ba wina di kan.

Lawana Nani 118:18

Dawan kasak karna ai wipan, sakuna witin ai ikras kan.

Lawana Nani 144:10

Pura luaia ba, man mita king nani ra yabisma; man sika napakankam Debit pât wina dakbi sakram ba,

Lawana Nani 27:3

War aiklaklabra daknika kum kir ai kutbi bribia kra, kupi ra sibrin âpu kabia; war aiklabaia sin maipara bubia kra, yang kupi ra lamni kabia.

Lawana Nani 33:19

witin nani ba prura wina swaki sakaia, plun dauki ba ra rayaka yabia mata.

Lawana Nani 37:19

Witin nani piua saura nani tilara; plun wahwan piua ra witin nani swira daukan kabia apia, plun ailal piaia bri kabia.

Lawana Nani 49:7

Sakuna upla kumi sin sip yakan ai wîna swaki sakras, purkara sin Gâd ra lalah ni aibapka swaki sâkbia apia.

Sins Lâka 10:3

Dawan ba upla kasakkira ra sanglang wahwaia yaras, sakuna watawikira nani ra alki takaskisa, brinka nani ba daskaia.

Aiseya 33:16

baha ba kasak iwbia, walpa tara nani ra ai kan kahbaika pliska kum bribia, witin ra ai pata yabia, ai laya briaia ba lika kasak pali brin kabia.

Jirimaya 37:21

Bara king Sedequías win Jirimaya ba king dimi watla latka ra aihwawakra bâra ba ra swibia, bara yabal ra brit angki ba wina yu bani brit kum bri si yabi kabia. Witin nani win baku dauki kabia yabal ra brit nani angki ba piua ra. Bara baku Jirimaya king watla latka ra bâra kan.

Jirimaya 39:18

Mai ikaia luki nani ba mihta wina swaki mai sakamna. Pruras swak takma, man ba yang ra kasak lukram bamna. Yang, Dawan, kasak aisisna.’ ”

Oseas 13:14

¿Prura tasbaya wina witin nani ba pri sakamna ki? ¿Prura wina witin nani ba swaki sakamna ki?... Prura, ¿anira sa, man karnikam sauhki wan tatikra ba? Prura tasbaya, ¿daukankam saura nani ba anira sa? ¡Naha uplika nani dukiara, kau kupi latwan bri kamna apia!”

Abakuk 3:17

Kwah damni dusa ba ai mâ sakras kabia kra, wain dusa nani ba, oliv dusa nani ba sin ai mâ sakras kabia kra, insla nani ba sin mâ sakras kabia kra, sîp daknika nani ba sin sut âpu takbia kra, sîp watla nani ra sîp âpu kra kabia sin,

Matiu 24:6

Man nani sin war nani dukiara bara war trabilka nani dukiara sin aisi kabia walma, sakuna sirang iwpara, baha ba baku kaia sa bamna; kuna tnata ba lika kau sa.