Job 42:8 - DAWAN BÎLA AISKA

⁸ Bamna nanara bîp bul 7 bara sîp wainhka 7 sin brih was duki dadaukra Job kaikaia, bara man nani dukiamra aiska angkaia sakripaiska dauks. Naipakan Job man nani dukiamra ai pura sunbia, bara yang ai pura sunra ba yamni walamna, bara man nani ra saura kumi sin mai munamna apia, kasak pali man nani klala briaia aitani sma yang dukira kasak aisi banhras kapram sakuna, naipakan Job daukan ba baku.”

Job 42:8 ပူးပေါင်းရင်းမြစ်များ

Blasi Sturka 20:17

Bara baku Ebraham lika Gâd ra ai pura sunan, bara Abimélec wihki maya wâlsut ra sikniska wina rakan; baku sin albika mairin nani sut biara prakan kan ba wina Gâd mita rakan, bara witin nani luhpa baikaia sip kan;

Blasi Sturka 20:7

Sakuna nanara, mairka ba kli ai maya waitna ra yas; kan witin ba prapit kum sa, bamna man tâmwan, ai pura sunbia bara man raya kama. Sakuna man bui witin ai maya ba yabras kama kaka, kasak pali man bara uplikam nani sut prui tiwma.”

1 Kronikas 15:26

Dawan bui Libait nani ra tâ baiki kan, Gâd lâka auhbaia watla ba twilki brih waia, kîa yamni angki yan, bîp wainhka nani sakan ba, 7 pura kumi bara sîp wainhka 7.

2 Kronikas 29:21

Witin nani brih wan bîp wainhka 7, guts sirpi 7 bara sîp sirpi 7, saurka swih tikaia prisantka daukaia king taika nani ba, tempel ba bara Juda dukiara sin pura sunaia. King ba Eran kiamka prîs nani ba ra win, baha prisantka nani ba Dawan altarka ba purara aiska angkbia.

Job 1:5

Pata tara dauki pih luya ningkara, Job ai luhpia nani ba paiwi kan, bara titan ra bûi bara kumi bani dukiara daiwan aiska angki ai pura suni kan, witin nani ai saurka ba wina sunu daukaia dukiara. Job naha na dauki kan piua bani, ban kra luki kan ai luhpia nani ba Gâd mapara saura daukan sa sapa.

Job 1:8

Bara Dawan mita pana win: —¿Man naipakan Job ba kaikatma ki? Tasba ra witin baku wala âpu sa, waitna kumi kasakka lâka kat yang duki dauki ba, ai rayaka wapni, tâski âpu, upla ra saura munras, yamni baman dauki ba.

Job 22:30

Witin swaki mai sâkbia, man ba pâtkas sma kaka, saurka wina sunu sma kaka.

Job 35:8

Man saurkam ba lika upla ra saura munisma, bara dîa yamnikam nani ba sin upla ra lika yamni nani daukisma.

Job 42:9

Elifaz, Bildad bara Sofar, witin nani wan bara Dawan dîa win ba kat daukan, bara Job pura sunra ba Dawan walan.

Lawana Nani 103:10

wan watawanka nani, bara wan saurka lâka nani mana, klala wankaia kan ba kat wankras sa;

Impakan Sturka 18:12

Jetró daiwan kum brih aiska angkan, Gâd ra mayunra dauki yabaia bara prisant wala nani sin brin. Ba ningkara Eran Israel almukka nani sut aikuki balan Moses dapnika wal aikuki plun piaia, Gâd mawanra.

Aiseya 60:14

Taibi mai muni kan luhpia nani ba, man mamwanra bawikira balbia, lamwaska kiki nani kata ba sut sin, bal minam ra ai lula kriki ai pura sunbia bara mai wibia: ‘Man ba Dawan Tawanka ba’, ‘Gâd Saionka, Israel ra Holikira ba.’

Jirimaya 14:11

Dawan bui ai win: “Naha uplika nani ra yamnika yaia wisa yang ra puram sunpara.

Jirimaya 15:1

Dawan bui ai win: “Moses, Samuil wal nâra maiwanra bubia kra sin sakuna, yang naha uplika nani ra luki kupi kriwan takbia apia. Witin nani maiwan wina taki, mahka wabia wis.

Isikiel 14:14

Bara naha waitnika yumhpa na wan tilara kan kaka, Noa, Danel bara Job, witin nani yumhpa baman ai kasakka ba mita, ai rayaka nani baman swaki sâkbia. Yang, Dawan, kasak aisisna.

Isikiel 45:23

Bara baha yua 7 nani dauki ba tilara, 7 bîp wainhka bara sîp lupia nani watawan âpu ba daiwan wîna aiska angkan ba Dawan ra yaia. Baha purkara yu bani ba guts kum ikbia saurka sakripais dukiara.

Kulki Kaikanka 23:1

Bamna Balaam bui Balac ra win: —Man nani nâra 7 altar paski, bîp wainhka 7, sîp wainhka 7 bri sal aik.

Kulki Kaikanka 23:14

Bara Balac bui Balaam ba Sofim twiya ra brih wan, Pisgá ilka bahna ra; bahara altar 7 paskan bara bîp wainhka 7, sîp sin 7 angkan.

Kulki Kaikanka 23:29

Bahara Balaam mita Balac ra win: —Nanara altar nani 7 paskma, bara bîp wainhka 7, sîp wainhka 7 bri sal aik.

Matiu 3:17

Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”

Epesus 1:6

Baha mita yawan piua bani Gâd ra mayunisa ai latwanka tara ba dukiara, baha sim latwanka ni yamni wan munan sa, yawan ai Luhpia latwan pali wal asla sa bamna.

2 Timoti 4:14

Alejandro bras warkka dadaukra ba, uya diara saura nani ai munan; Dawan mita witin ra dîa daukan ba kat ai mana yabia.

Hibru Nani 10:4

kan bîp wainhka nani bara guts lupia nani tâlia ba, upla saurka nani sip brih sakras pali sa.

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

Jems 5:14

Upla kum siknis sa kaka, serts almukka nani ba paiwaia sa, bara witin ai pura suni, Dawan nina mâki witin ra batana yûkbia.

Jems 5:16

Baha mita, pana pana saurkam nani damhra sâks, bara pana pana dukiamra sin puram suni bas, bara baku lika rawma. Upla kasakkira pura sunra ba karnika tara brisa.

1 Jan 5:16

Upla kum kaikisa kaka, ai muihni kum pruaia apia saurka kum daukisa, witin ai pura sunaia sa, bara Gâd mita raya kaia lâka ba yabia, baha ba pruaia apia saurka sa kaka. Saurka bâra sa pruaia dukia, bamna yang wiras bahmuna saurka dukiara puram sunaia.

1 Jan 5:6

Jisas Kraist naha tasba ra balan tânka ba lî bara tala wal tânka ra wan marikan sa; lî ni baman apia, kuna lî bara tala wal praki marikan sa. Bamna Spirit pali naha diara na witniska sa, kan Spirit ba sika diara kasak tânka ba.

Param Marikanka 3:9

Baku bamna, Sitan daknika wina nani ba, witinka nani kuninkira Ju wisa sakuna baku apia ba, yang munrika wih minam ra ai lula krikbia, bara kaikbia yang bui man ra latwan mai kaikisna.

1 Samuil 25:35

Ningkara witin diara nani brih wan ba, Debit mihta ra yan brin, bara win: —Âmyapah wamtla ra waia sip sma. Man kaikisma yang lika man ra walri dîa aisaram ba, bara dîa makabram ba sin maikri.