Job 4:9 - DAWAN BÎLA AISKA

⁹ Dawan ai lawanka ba witin nani purara pâsa baku puhbisa, bara sut sauhki tikisa.

Job 4:9 ပူးပေါင်းရင်းမြစ်များ

2 King Nani 19:7

Kaiks, yang mita witin ra sturi binka daukamni, bara witin sturi binka ba walbia, ningkara ai tasbaya ra kli tawi wabia, bara baku yabrika ai tasbaya ra prubia, upla mita ikbia.’ ”

Job 1:19

pat pali upla iwras tasbaya tani wina pâsa saura kumi krawan, bara utla ba tnaya walhwal ra pruki bara utla tara ba luhpiam nani purara batakan, bara sut kat ikan. Yang baman baha tila wina swak taki aulna, sturka ba maisam pakaia.

Job 15:30

Tihmia ba wina sip swak takbia apia, inta wahia kumi urhwi takaia kan pauta mita angki ba baku, ai tangnika nani ba pâsa mita dakbi ba baku sin.

Job 40:11

Aimayunra nani sut ba kaiks, ai kupia sauhkanka sanska yas, bara swira dauki yas bawbia.

Job 40:13

Sut pali tasba ra biks, pruan nani sialaka watla ra dingki durka praks.

Lawana Nani 18:15

Kabu tihuka ra diara nani bâra ba, param takan; tasba bapan playka nani param sakan kan, Dawan bui lawi dauki aisin bîla ba mita, ai wingka puhbra karna puhban ba mita.

Impakan Sturka 15:10

Man wingkam puhbram bara kabu witin nani ba langkan; witin nani ba walpa baku kabu ripka tilara rungwan.

Impakan Sturka 15:8

Kabu laya ba puhbram, aipaswi utla tnaya baku takan. Kabu ripka nani ba tawan kutbanka baku purara uli wan. Kabu lilapas tihuka ba tasba lâwan karna takan.

Aiseya 11:4

Kasakka lâka ni swapni nani ba lâka daukbia, kuntri ra umpira nani bâra ba kan sunbia. Bîla nani witin aisi ba dus kum baku praut karna aisi nani ba ra klala yabi kabia. Ai bîla aisinka nani ba dus kum baku baha ni saura prautkira nani ba klala yabia, witin ai bîla aisi ba ni watawikira ba ikbia.

Aiseya 30:33

Kan piua wihka wina pat pliskam ridi daukan sa, Asiria kingka ba ai uplika nani dukiara sin, pliska ba tara pakni pali sa, upla angki ikaika pauta manis kir mukan klauhisa. Dawan wingka puhbra ba mita, pauta buki klauhbia sulpa lî aubi baku.

Aiseya 40:7

Twi ba lâwisa, ai tangnika ba sin srawisa, Dawan wingka puhbra ba witin ai purak lui ba ra. Kasak pali upla ba twi baku sa.

2 Tesalonaika 2:8

Bâra mika, baha saurakira ba bal takbia ba ra, Dawan Jisas mita ai bîla wingka puhbanka ni ikbia, bara witin aula ingnika ba wal sauhki tikbia.

Param Marikanka 2:16

Baku bamna, kli tawi Gâd ra bal; kan baku daukras sma kaka, pat pali man ra wamna, bara sord bîli wina taki ba ni man nani mampara aiklabamna.