Job 4:6 - DAWAN BÎLA AISKA

⁶ Man sika kasakka lâka kat Gâd dukia dauki katma ba, man sin waitna kumi daukankam ba wapni kata ba, ¿nanara nahki man kasak lukan lâka ba âpu sma?

Job 4:6 ပူးပေါင်းရင်းမြစ်များ

2 King Nani 20:3

“Dawanki, yang mamkabisna man bui yang dukira kupiam krauks, kan yang sika man mamwanra kasak ba kat daukri kupi aiska kira ba wal, bara diara nani daukri ba sin man kupiam brinka kat daukri.” Bara Ezequías ba karna inan.

Job 1:1

Us tasbaya ra waitna kum bâra kan, ai nina ba Job; witin ai rayaka ba tâski âpu lâka ra wapni iwi kan, Gâd dukia kasak yamni dauki kan, upla ra saura munras yamni baman muni kan.

Job 13:15

Ban kra witin bui ai ikbia sin, ban sakuna wapni kaia sna, witin mawan kat bûi raitki brisna ba aisaia sna.

Job 16:17

Yu kumi sin yang bui upla kum ra saura munras kapri, puri sunra ba lika kasak sa.

Job 17:15

¿Anira takaskan sa yang bîli kaikanka ba? ¿Anira sa, yang yamni briaia ba?

Lawana Nani 26:1

Lâika aisi dauks, Dawan, kan yang diara kasak ba dauki kapri bamna. Dawan, man ra baman lukanki aiska tniwri sa.

Lawana Nani 27:3

War aiklaklabra daknika kum kir ai kutbi bribia kra, kupi ra sibrin âpu kabia; war aiklabaia sin maipara bubia kra, yang kupi ra lamni kabia.

Sins Lâka 14:26

Dawan sibrinkira wan kupia mangki briaia lâka bâra sa, bara ai luhpia nani, ai kanra diara briaia ba bîla kaikaia sip kabia.

Sins Lâka 3:26

Kan Dawan mita âmyapah maikbia, witin kat lukaia bara minam alkaika wina dakbi mai sâkbia kauhma ra kra sîa.

Aiseya 33:6

witin mita kaina kaiki ban kabia. Sins lâka ba bara diara tânka kaikaia tânka ba sin diara kukanka bara swaki wan sakisa; Dawan sibrinka lâka ba wan dukia kukanka kum sa.

1 Pita 1:13

Baha mita, man nani dîa daukisma ba pain luki bas, bara rayakam ba pain bri bas. Gâd ai latwanka tara ba mita, Jisas Kraist balbia bara yamnika nani maikaia ba kat kainamra bîla kaiki bas.

1 Pita 1:17

Man nani bui Gâd ra puram sunisma ba ra, witin ra “Aisa” mâkisma, witinka upla mawan kulki kira lâ daukras ba, kumi bani dîa daukan ba kat lâka daukbia bamna; ba mita man nani naha tasba ra iwisma piua aiska ba, witin ra sibrinkira kaia sma.