Job 4:19 - DAWAN BÎLA AISKA

¹⁹ ¡bara upla lika kau swapnikira sa, utla kum slaubla ni, auhya ra paskan ba baku sa; tuyukbaia sip sa, itikmuk kum ra tuyukbi baku!

Job 4:19 ပူးပေါင်းရင်းမြစ်များ

Blasi Sturka 18:27

Sakuna Ebraham bila kli witin ra aisin: —Pâtki ban swin tiks, yang aisaia apia kapri dukia ba kuna ban aisuna na. Man ba Gâd sma, yang lika upla bahki sna;

Blasi Sturka 2:7

Bamna Dawan Gâd bui upla ba tasba yuya pali wina paskan, bara raya kaia payaska ba kakma unta nani ra puhbi dingkan. Baku sika upla ba ai rayaka mahka brin.

Blasi Sturka 3:19

Mamwan laptika saki patam pima, tasba ra kli tawma ba kat, kan baha wina mai paskan bamna, man ba tasba yuya sma, bamna tasba yuya ra kli tawma ba kat.

Job 10:9

¿Kupiam kraukisma ki slaubla ni ai paskatma ba, bara nanara kli tasba yamhpuska ra ai lakaisma ba?

Job 13:12

Man nani blahwankam almuk nani ba, karnika âpu tasba lâwan puknika baku sa; slaubla ni tawan kutbanka paskan ba, kutbanka ra yukuwaia pliki ba baku sma.

Job 13:28

Diara sukwan baku yang na ban âpu taki auna sa, kwala yula mita pi âpu dauki ba baku.

Job 14:2

Upla ba tangni kumi baiwi, ai prana saki si kli srawi ba baku sa; mukus kum bal taki si kli âpu taki ba baku sa.

Job 22:16

Witin nani pat pali pruan, lî saura aubi brih wan ba baku.

Job 25:6

¡Upla ba lika kau pali, liwa umpira pali na!

Job 33:6

Gâd mawanra, yang bara man wal ba kumi sa, yang na sin slaubla ni ai paskan sa.

Lawana Nani 146:4

witin nani pruisa bara witin kli tasba yuya ra tawisa; bara baha pali piua ra ai warkka kata lap tiwisa.

Lawana Nani 39:11

Man upla ra latwan lâka marikaia dukiara, lawi daukisma bamna, witin nani diara latwan kaiki dukia nani ba, yula pin baku daukuma. ¡Upla sut ba wan wingka puhbra kum baku baman sa!

Smasmalkra 12:7

Baha ningkara tasba yuya ba tasba ra tawbia patitara kata baku, ban spiritka ba lika Gâd ra wabia, baha ba witin mita yan bamna.

2 Korint 4:7

Sakuna baha diara manakira ba, yang nani wîni na sumi dakawa baku ba ra mangki brisna, bara baku mika upla kaikbia naha karnika na yang nani wina apia, sakuna Gâd wina sa.

2 Korint 5:1

Bamna yawan kaikisa, wan wîna tara na utla kum baku sip ban apia ba mita, sauhki tikan kabia; kuna Gâd mita wan watla ban kaia kasbrika purara ridi daukan sa, bara baha lika upla mita ai mihta ni daukras sa.

1 Pita 1:24

Kan Ulbanka ra wisa: “Upla sut ba twi baku sa, bara ai prana ba lika twi tangnika baku sa. Twi ba lâwisa bara tangni ba kauhisa;