Job 4:17 - DAWAN BÎLA AISKA

¹⁷ “¿Upla kumi sip sa ki Gâd mawanra kasakkira kaia, bara ai Papaskra mawanra sunukira pali takaia?

Job 4:17 ပူးပေါင်းရင်းမြစ်များ

Blasi Sturka 18:25

¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?

Job 14:4

Upla kumi sin âpu sa diara tâski ba wina diara sunu sakaia.

Job 15:14

Upla sunukira ba âpu sa, ai pâtka wina pri ba sin âpu sa.

Job 25:4

¿Sip sa ki upla bahki kumi ba, Gâd kaiki ba ra pâtkas bara sunukira kaia?

Job 31:15

Gâd kumi ba mita sika wan yapti biara ra paski wan mangkan, witin nani wal baku rayaka wankan sa.

Job 32:22

Kasak pali, yang maiyuni aisi kaia sip apia sna; ¡baku daukamna kaka, Papaskra ba mita klala aikbia si!

Job 35:10

Sakuna Gâd Papaskra ba ra lika pliki banhras sa, witinka karnika nani yabi ba tihmu nani piua ra,

Job 35:2

Job, ¿man mampara aitani sa ki, Gâd mita aitani mai kulkaia?

Job 36:3

diara tânka kaikaia sip sna ba, laihura mangki kaikamna, baku lika mairikbia nahki papaskra ba kasak sa.

Job 4:16

Upla kum bahara bûi kan, bara ai lilka ba kaikaia sip kapri, sakuna ai mawan pali lika apia, diara sut bin âpu sâp kan, baha ningkara bîla baikra kum walri:

Job 40:8

¿Bara ai wiaia lukisma ki pâtkira bara kasak apia sna, bara man lika pâtkas pali sma?

Job 8:3

Gâd karnika sut bri ba, aima kumi sin kasakka lâka ba bara wapni lâka ba wal warbi laki aisaras.

Lawana Nani 143:2

Man nampakan ra diara walaia paiwpara, kan man mamwanra upla kumi sin pâtkas ba âpu sa.

Lawana Nani 145:17

Dawan ai yabalka nani sut ra kasakkira sa, ai daukanka nani sut ra sin kupia pihni sa.

Smasmalkra 7:20

Ban sakuna tasba ra upla wapnikira kumi sin âpu sa, diara yamni baman piu sut ra dauki ba, bara aima kumi sin saura daukras ba.

Jirimaya 12:1

Dawan, yang na man wal aisi blahwamna kaka, man piu bani aisisma ba sut ba rait baman sa; ban sakuna, yang diara mamkabi walaia brin ai daukisa diara kum kum ra tânka bâra sa. ¿Dîa muni watawikira nani dauki ba sut yamni man taki ba? ¿Dîa muni upla âiatkra nani ai âuyapah iwi ba?

Jirimaya 17:9

“Upla kupia lukra kuninkira pali warha ba baku kau diara wala âpu sa. ¿Ya sip sa baha tânka ba briaia?

Roman 11:33

¡Nahki Gâd yuyaka lâka ba, ai sinska lâka ba, bara diara tânka kaikaia lâka bri ba tihu pali sa! Witin ai lâka ba tânka yawan mita sip tânka briras, bara ai yabalka nani tânka ba sin sip kaikras sa.

Roman 2:5

Sakuna man lika kupiam karna pali sa, ba mita kupiam lakaia sin want apia sma. Bamna man mita puramra pât tara mangkisma, Gâd kasakka lâka kat lâ dauki marikbia ba yua ra;

Roman 9:20

Bara man, upla, ¿man ba ya sma Gâd mapara unsabaisma ba? ¿Slaubla dakawa bui ai papaskra ra sip sa ki wiaia: “Dîa kan naku pali ai paskram?”

Param Marikanka 4:8

Diara rayakira walhwal ba kumi bani ai tnawa 6 bri kan, bara nakra pali baman banhki kan pura tani ra bara bîla tani ra sin; kakna bara tihmia naku aisi takaskras kan: “¡Holi, holi, holi, Dawan, Gâd karnika sut bri ba, witinka kaina wina bâra kata ba, bâra ban ba, bara naika balaia ba!”