Job 37:6 - DAWAN BÎLA AISKA

⁶ Sno nani ra win tasba purara kauhbia, bara lî ba yan karna pali auhisa.

Job 37:6 ပူးပေါင်းရင်းမြစ်များ

Esdras 10:13

Sakuna yang nani nâra upla ailal sna, baha purkara sin uba lî auhisa, bara baku sip apia yang nani nâra yabal ra bûi kaia, lâka na sin yu kumi, yu wâl daukaia lâka apia sa, kan yang nani ailal baha saurka daukri sa bamna.

Esdras 10:9

Bahamna Juda wina waitna nani ba sut, Benjamín wina sin sut aidrubi asla takan Jerusalem ra lapta yua 20, kati 9 alkan bilka ra, wibia kaka, yu yumhpa ra upla nani ba asla takan. Bara baku, witin nani sut Gâd watla latka ra asla iwi banhwan, baha pâtka ba dukiara luki banhwi kan, baha purkara lî sin auhi kan ba tâka mita witin nani tatatwi banhwi kan.

Job 28:26

Witin lî auhaia piua nani mangkan ba ra, pâsa saura yabalka ba sin mangki yan.

Job 36:27

Lî tahwi nani ba sut witin watla kum ra mangki brisa, ningkara baha ba wina lî yan auhisa.

Job 38:22

¿Auhbaia pliska ba pat wih kaikatma ki, sno bara lî klaswan mâ nani auhbi swin ba,

Job 5:10

Witin yaban tasba ra lî auhisa, bara baku tasba ba lî buskisa,

Lawana Nani 148:8

Imyula bara lî mâ klaswan, ais kauhla baman, mukus sin. Pâsa saura, ai bîla kat wali dauki ba.

Sins Lâka 28:3

Watawikira ba mita umpira nani ra taibi muni ba, lî karna auhi plun mangkan nani sut tiki ba baku sa.

Isikiel 13:11

Wis kal wal pihni yuki nani ra, baha kauhbia; lî karna prari baku auhbia, bara lî klaswan yuyaka walpa baku yabrika auhbia, bara pâsa karnakira sin balbia.

Isikiel 13:13

Baha mita, yang Dawan sna ba, aisisni: Kupi aisawanka ba pâsa karna prari baku blikamni; kupi baiwanka ba lî wal kau purkara yarka auhbia, bara lî klaswan yuyaka walpa baku yakabamna, kupi sauhkanka ba wal sauhki tikaia dukiara.

Emus 9:6

Dawan ai watla ba kasbrika purara brisa, bara kasbrika ba naha tasba na purara mangkan; witin aisi wisa bara kabu laya ba, tasba purara laiwisa. Dawan, baha sika ai nina ba.