Job 37:16 - DAWAN BÎLA AISKA

¹⁶ ¿Nu sma ki, nahki pâsa purara kasbrika awi ba, baha ba lika ai sinska tara ba tânka wan marikisa?

Job 37:16 ပူးပေါင်းရင်းမြစ်များ

Job 26:8

Witin bui lî ba prakisa klaut nani tilara, baha wirhika ba mita klaut nani ba baiwras sa.

Job 36:29

¿Kasbrika nani plapi ba, ya tânka brisa ki, apia kaka dîa muni alwani bin takisa kasbrika purara?

Job 36:4

Yang kasak mai wisni kunin kumi sin âpu, kainamra sinskira kumi brisma sut ba daukan ba.

Job 37:14

Job, kupiam alki bri, wirâ ai wals, Gâd wark aihka nani dauki ba dukiara wirâ luki kaiks.

Job 37:15

¿Man nu sma ki, nahki Gâd naha diara nani sut ba baku kabia dauki ba, bara nahki kasbrika ra imyula lipisa?

Job 37:17

Man lika kwalkam nani dimisma ba mita, bitni pruisma, waupasa payaska mita tasba ba yan yapi ba ra.

Job 37:5

Gâd ai bîla baikra ba alwani binka baku dauki piua ra, diara aihka pali yan takisa, diara tara nani daukisa bara upla nani ba tânka briras sa.

Job 5:9

Witin sika diara tara aihkakira nani uya daukisa, baha diara nani ba upla sip tânka briras sa.

Lawana Nani 104:24

¡Dawan, man nahki diara nani ailal daukram sa! Baha nani sut daukram ba, sins lâka wal; ¡tasba ba man paskram dukia nani baman banhki sa!

Lawana Nani 78:4

baha ba wan luhpia nani ra yukukamna apia. Wan luhpia nani wan kanra aula ba wal, Dawan ra yang nani mayunamna, ai karnika bri ba, diara aihkakira dauki ba aisamna.

Aiseya 40:22

Witin tasba kutbanka na purara kasbrika baila wala ra iwisa, tasba ra nani ba tristrisia nani baku sa; witin kasbrika purara ba slingbi sakisa kwala kum baku, trapalin watla baku bahara palkisa.