Job 36:5 - DAWAN BÎLA AISKA

⁵ Gâd ba lika karnakira pali sa, bara sinskira tara pali sa, bamna witin pâtkas uplika ba baha kulkras sa.

Job 36:5 ပူးပေါင်းရင်းမြစ်များ

Job 10:3

Man mita sika baku ai paskram ba, ¿bara baku aitani lukisma ki, swiri dauki baku ban ai sauhkaia bahki ai kulkaia, bara man mita upla saura nani, diara saura daukaia ai lukanka ra paski ba tâ baikram?

Job 31:13

Duki dadaukra nani dîa ai makabi kan ba, yang piua bani ai makabanka ba kat dauki katna.

Job 37:23

Sip tânka briras wan munisa, Gâd karnika sut bri ba dukiara, kan witin ba karnikira, kasakkira tara pali sa, witin ba wapni sa, upla kumi ra sin taibras sa.

Job 9:14

¿Bamna nahki pali, dîa bîla nani aisi sakamna Dawan mapara aisaia?

Job 9:19

¿Karnika lâka bri ba plikaia? Witin ba kau karnika brisa ¿Lâ ra balaia paiwaia? ¿Bara ya mita munka bal lâ mawanra bubia?

Lawana Nani 102:17

Hilpkas nani pura sunra ba walma, bara man, witin makabanka ba walras kapara.

Lawana Nani 138:6

Dawan ba lika purara sa, ban sakuna bawikira uplika kat kaikisa; kuna pura luan dauki nani ra lika laih wina kaikisa.

Lawana Nani 22:24

Umpira nani pât wahwi ba, witin bahki kulkras, tnayak sin lui waras; witin ba ai mawan yukukras witin nani ai sîa; ¡sakuna witin nani ai hilpka makaban ba walan!

Lawana Nani 69:33

kan Dawan sika upla umpira nani ra walisa; bara ai uplika nani silak watla ra saura kulkras sa.

Lawana Nani 99:4

Man ba king kum karnakira sma, man sin kasakka lâka ra latwan kaikisma man bui bapram, wal baku kaia lâka ba; Jekob luhpia nani ra, kasakka lâka ba bara wapni kaia lâka ba sin.

Jirimaya 10:12

Dawan, ai karnika ni tasba paskan; ai sinska lâka ni tasba aiska karnika bapan; sins bri ba lâka ni kasbrika pura aiska ba paskan.

Jirimaya 32:19

Lâ nani aisisma ba warkkam nani, daukisma ba karnika tara pali brisa. Upla nani diara dauki ba man sut kaikisma, bara witin nani dauki ba tânka kat kli yabisma.