Job 36:29 - DAWAN BÎLA AISKA

²⁹ ¿Kasbrika nani plapi ba, ya tânka brisa ki, apia kaka dîa muni alwani bin takisa kasbrika purara?

Job 36:29 ပူးပေါင်းရင်းမြစ်များ

2 Samuil 22:12

Slingbaia watla baku brin tihmia tara aikan kir kutbi kan ba, lî kasbrika siksa ba ni sin.

Job 26:14

Naha na lika witin ai warkka nani pîska kum sa, yawan walan ba lika kârma binka baman, ¿ya sip sa tânka briaia ai alwanika karnakira ba?

Job 28:26

Witin lî auhaia piua nani mangkan ba ra, pâsa saura yabalka ba sin mangki yan.

Job 36:28

Lî auhi ba lika kasbrika nani wina yan auhisa, bara lî ailal pali upla nani purara auhisa.

Job 36:30

Imyula ba Gâd mita yan lipisa kabu purara, kabu tihuka ba pura praki brisa.

Job 37:11

Kasbrika ba lî kiasmika nani buskisa, bara baha wina imyula takaia daukisa.

Job 37:16

¿Nu sma ki, nahki pâsa purara kasbrika awi ba, baha ba lika ai sinska tara ba tânka wan marikisa?

Job 38:37

¿Yamna kau sinskira ba bara tânka brisa klaut an bâra sa tânka ba? ¿Ya bui sip sa ki bîla baman sakaia, bara baku mika ai laya ba auhbia,

Job 38:9

Yang mita klaut kumi yâri ai prâka baku, bara mukus ba lika tuktan srukaia kwalka baku.

Lawana Nani 104:3

¡Man wamtla playka nani ba, lî purara bapram sa, laih pura pali ba ra! Kasbrika ba man waginkam daukram; man pâsa tnawa purara impaki taukisma.

Lawana Nani 104:7

Sakuna man lawi daukram, bara mahka wan; aihni muni plapan man bîlam baikra, alwani ba walan ba ra.

Lawana Nani 18:13

Dawan Laih Purara iwi ba witin sin yan kasbrika purara alwani ringban; ais bara masku aswan ba sin auhan.

Aiseya 40:22

Witin tasba kutbanka na purara kasbrika baila wala ra iwisa, tasba ra nani ba tristrisia nani baku sa; witin kasbrika purara ba slingbi sakisa kwala kum baku, trapalin watla baku bahara palkisa.

Nahum 1:3

Dawan ba piua wihka ai kupia alki takaski brisa, sakuna witin karnika tara brisa, bamna pâtkira ba lika witin klala yabras ni ban swibia apia. Dawan ba skwal pura bâk wapisa; bara kasbrika pihni nani ba, witin ai mina auhika pukpukika nani sa.

Abakuk 3:10

Il nani ba mai kaiki bara tatatwisa; lî nani ba kasbrika wina laiwisa; bara kabu tihuka tara ba ulbisa ai ripka tara nani saki lulki ba ra.