Job 36:26 - DAWAN BÎLA AISKA

²⁶ Gâd tara ba tânka yawan sip aiska kaikbia apia, witin manka nani sin sip kulkbia apia.

Job 36:26 ပူးပေါင်းရင်းမြစ်များ

1 King Nani 8:27

“Ban sakuna, ¿baha ba kasak sa ki, Gâd ba naha tasba purara iwi kaia? Bara kaiks kasbrika pura ba bara yahpika ba sip alki briras sa, bara nahki sip kabia naha tempel yang bui paski maikri na.

Job 10:5

¿Dîa man rayakam ba sin kunhku sa ki, upla praprura kum rayaka ba wal baku?

Job 26:14

Naha na lika witin ai warkka nani pîska kum sa, yawan walan ba lika kârma binka baman, ¿ya sip sa tânka briaia ai alwanika karnakira ba?

Job 36:25

Upla sut mita kaikaia sip sa, laih wina kabia sin.

Job 36:27

Lî tahwi nani ba sut witin watla kum ra mangki brisa, ningkara baha ba wina lî yan auhisa.

Job 37:23

Sip tânka briras wan munisa, Gâd karnika sut bri ba dukiara, kan witin ba karnikira, kasakkira tara pali sa, witin ba wapni sa, upla kumi ra sin taibras sa.

Job 37:5

Gâd ai bîla baikra ba alwani binka baku dauki piua ra, diara aihka pali yan takisa, diara tara nani daukisa bara upla nani ba tânka briras sa.

Lawana Nani 145:3

Dawan ba tara sika, bara aitani pali witin ra mayunaia sa; witin tara sa tânka ba sin sip pliki sakras sa.

Lawana Nani 90:2

Il nani ba kau paskras kan wina, tasba na bara tasba aiska sin kau daukras kan ba ra, piua nani sut wan kanra aula ba ra, man ban wan Gâdka sma.

1 Korint 13:12

Baha sim natka ra, nanara yawan diara nani kaiki ba lukinglas ra baku sa, lilka tihmu baku; sakuna baha piua ra lika, yawan latan pali kaikbia. Nanara lika yang wiria baman kaikisna, sakuna baha piua ra lika aiska pali kakaira kamna, Gâd mita yang ra kakaira ba baku.

Hibru Nani 1:12

¡prâk kum baku man mita witin nani ba karbi blakma, bara baha nani ba kwala baku aihka lakan kabia! Sakuna man lika piua bani sim sât ban sma, bara rayakam ba ban kaia ra âpu takbia apia.”

2 Pita 3:8

Baha purkara, muihki laitwankira nani, naha na âmya tiwbiara: Dawan mapa ra yu kumi ba mani tausin baku sa, bara mani tausin ba yu kumi baku sa.