Job 36:10 - DAWAN BÎLA AISKA

¹⁰ Wapni mangkaia dukiara aisisa, bara makabisa ai saurka ba mahka swibia.

Job 36:10 ပူးပေါင်းရင်းမြစ်များ

2 King Nani 17:13

Pat Dawan mita prapit nani bara baku sin diara kakaira nani bâk, Israel uplika ra kupia kraukan witin nani ai yabalka saura ba wina tawi bal witin lâka bîla yaban ba alki daukbia, bara ai adarka nani witin nani damika nani ra smalki yaban ba ai dukia dadaukra prapit nani bâk.

Job 36:15

Pât wahwanka tilara, Gâd mita swaki sakisa pât wahwi uplika ba, latwan wahwi ba tila bâk yan tânka brisa.

Job 36:21

Aman kaiks kli saura ra tawi wama, man ba pât wahwan wal tânkam pliki kaikan ba.

Lawana Nani 40:6

Sakripais nani brih bal maikaia ba brin mai daukras; plun nani prisantka ba sin apia; daiwan wîna aiska angki maiki ba sin brin mai daukras, upla saurka ban swih tikaia prisantka angki maiki, pura sunra ba sin apia. Baku daukaia ba swi si, man, yang kiaima sturi walaika ba ilingkram.

Aiseya 48:17

Dawan bui man ra atki mai sasakra ba, naku win, Israel Gâdka Holikira ba: “Yang sika man Dawan Gâdkam; yamnika uya man ra takaia ba mai smalkisni, yabal bâk wapaia tâm brisna.

Aiseya 48:8

Âu, man naha tânka kau walras kapram, man sin kau baha kakaira apia kapram; kan piu bani ra, kiamam prakan bara ilingkras bri katma. Yang kaiki katna man na kasak apia sma ba bara bîla walras lulki swiram kan ba, baha mita ninam mâkri man ba mapara babura, kau mai baikras kan ba wina.

Aiseya 50:5

Dawan ba yang kiaima aikan tânka param walaia, bara yang mapara babura apia kapri bara nini sin laki yaras kapri.

Oseas 14:1

¡Israel, Dawan Gâdkam ra, kli tawi bal, man saura daukram ba tâka mita sika kauhram ba!

Jona 3:8

Sakuna upla sut ba ai kwalka siksa dimaia sa sari tukinka ba, bara upla sut ai karnika aiska Gâd ra ai pura sunaia sa. Bara upla kumi bani ai tânka saura bri bara lâ krikanka nani dauki ba, nanara mahka swibia;

Sofonías 3:7

Yang klala yabri ba mita lukri: ‘Jerusalem ba yang ra siaibribia bara watawi dauki ba mahka swibia; baku yang bui witin nani slingbi sauhkaia apia kapri.’ Sakuna witin nani kau istikira saura lâka sâtka nani sut ba daukan.

Matiu 3:8

Man nani daukankam ni mariks nahki saurkam nani wina kasak pali kupiam lakram ba,

Apastil Nani Sturka 16:14

Witin nani wina kumi ba nina Lidia, Tiatira tawanka wina, kwala painkira mapla balianta wauhi âiatkra kan. Mairka ba Gâd ra mayuni kan, bara witin sin bâra wali kata; Dawan mita ai kupia ba ilingkan, Pal dîa aisi ba aman pali walaia.

Apastil Nani Sturka 17:30

Gâd lika patitara piua ra upla nani diara tânka kaikras kan ba mapara ai nakra prakan kan. Sakuna naiwa yua ra lika plis bani ra upla nani iwi ba sut ra param wisa, ai saurka nani ba wina ai kupia lakaia sa.

Apastil Nani Sturka 3:19

Baku bamna, man nani sut daukankam saura nani wina mahka Dawan ra taws, bâra mika saurkam nani sut ba diki sakan kabia. Baku bamna, Dawan bui man nani mai rakaia piua ba blîkbia,

Jems 4:8

Gâd lamara man nani was, bara witin lika man nani lamamra wabia. ¡Saura dadaukra nani, mihtam nani ba siks! ¡Bara man nani bui Gâd ra latwan kaikisma, bara sim piua ra tasba ra latwan kaikaia lukisma nani ba, kupiam nani sunu dauks!