Job 34:29 - DAWAN BÎLA AISKA

²⁹ Bara Gâd ba sâp kabia kaka, ¿ya mita witin ba pâtkira sa wibia? Ai mawan ba yukukbia kaka, ¿ya ai mawan ba kaikbia ki? Witin bui tawan sut dukiara aihwakisa, upla kumi bani dukiara sim baku.

Job 34:29 ပူးပေါင်းရင်းမြစ်များ

2 Samuil 7:1

King ba mahka ai watla ra dimi iwan, bara Dawan sin kupia kumi lâka ba witin ra yan, ai waihla nani ai kaina kir sut ba ra sin,

2 Samuil 7:11

Upliki Israel nani pura wihtka aimakaia nani sakri ba ra yang daukamna, bara man nani kaikma waihlam nani wina pri mai sakri ba. Bara yang mamrikamna, man kiamkam nani maikamna ba,

2 Kronikas 20:30

Bamna baku Josafat kingka lâka ba ai kainara wan kata yamni lâka ra, kan Dawan bui kupia kumi lâka ra iwaia daukan ai lamara iwi uplika aikuki.

Job 12:14

Gâd mita sauhki tikan ba upla âpu sa baha kli paskaia, ani uplika ra Gâd mita durka prakan ba upla wala âpu sa durka ba kwâkaia.

Job 23:13

Witin dîa kum daukaia brin daukisa kaka, daukbia, diara âpu sa baha ba takaskaia.

Job 34:28

Umpira nani bara taiban uplika nani winanka ba, Gâd kat yan wan, bara witin mita walan.

Job 34:30

Baku mika upla nani wihtka aimakbia apia, watawikira kum upla ra kunin mamunra ba.

Lawana Nani 13:1

Dawan, ¿ahkia kat ban âmya ai tikma? ¿Ban kaia ra âmya ai tikram?

Lawana Nani 143:7

Dawan, ¡pat ai aisas, kan yang pat pruisna bamna! Man hilp ai munras kapara, kan upla pruan baku kamna.

Lawana Nani 27:9

¡Man mamwan yang wina yukukpara! ¡Kupiam baiwanka ra, mamwan wina ai saki lulkpara! ¡Man baman yang hilpki sma! Hilpkis yakan ai swipara, Dawan, man lika yang sasakriki sma.

Lawana Nani 30:7

Dawan, man kupiam yamnika ba mita, yang na, il kumi baku karna bapi bûi kaia ai daukram. Sakuna hilpkam ba yang wina sakram bara sibrin lâka ba mita sinski blaki swin.

Lawana Nani 94:10

¿Nisan nani ra wapnika mangki yaba mita, klala yabaia sip apia sa ki? ¿Bara upla ra sins lâka smalki yaba, diara tânka sip bribia apia ki?

Lawana Nani 94:13

Baku yua saura balbia piua ra ai âuyapah kabia, bara watawikira nani ba kainara lika unta salhkan kum ridi dauki swin sa.

Impakan Sturka 33:14

Dawan pana witin ra win: —Man wal yang wamna ba ra, maikrika ris brima.

Aiseya 26:3

Man mita baha uplika kupia kumi lâka aihwa pali bri ba main kaikma, witin ai kupia lukra man kat piua bani mangki bri ba; kan witin bui man ra kasak luki ba mita.

Aiseya 32:17

Kasak lâka daukanka nani ba wina kupia kumi lâka takbia; kasak lâka warkka nani ba wina ris briaia, wan kupia kumi lâka ban kaia ra briaia bal takbia.

Jirimaya 27:8

Sakuna tila nisan nani king Nabucodonosor bîp lal ra mangkaika dusa bri ba ra bawras sa kaka, baha nani yang klala yabamna, war blikamna, sanglang iwbia, siknis yarka baha nani sut ra alkbia, witin ai lâka ra bawbia ba kat. Yang, Dawan, kasak aisisna.

Isikiel 34:15

Yang pali sîpki nani ba sepadka kamna, yang pali mita brih wamna ris briaia. Yang, Dawan, kasak aisisna.

Jan 14:27

“Man nani wina dakwi takuna kupia kumi lâka ra. Kupi kumi lâka man nani ra maikisni, sakuna tasba uplika nani kupia kumi lâka yabi ba sât lika apia. Man nani kupiam trabil bripara bara sibrin kapara.

Pilipai 4:7

Bara Gâd ai kupia kumi lâka bara upla tânka briaia praiska sut pura lui ba, witin maikbia; bara naha kupia kumi lâka na, man kupiam nani lukanka nani sin main kaiki kabia, Kraist Jisas wal asla.