Job 34:22 - DAWAN BÎLA AISKA

²² Tihmia tara, kau tihmu ba âpu sa saurakira kum ra yukukaia sip ba.

Job 34:22 ပူးပေါင်းရင်းမြစ်များ

2 Samuil 12:12

Man lika yukuwan ra baha daukram, yang lika Israel luhpia nani sut mawanra daukamni lapta ingnika param pali ra.’

Job 10:14

aihwaki ai kaiki katma yang na saura yamna sapa, baku swakwanki daukuna ba tâka mita pât ra ai lakaia.

Job 10:21

kli tawi balras ba yabalka ra kau impakras sna ba ra, tihmia tara tasbaika bara prura distika ra,

Job 11:20

Sakuna watawikira nani ba lika baku kabia apia; bahki lâka ra hilp plikbia, yukuwaia pliska kumi sin sâkbia apia, prura ba lika ai bîla kaikanka tnata kumi baman kabia.

Job 12:22

Dara prakan tânka yukuwan ra bâra ba, tânka briaia param sakisa; tihmu pali tilara diara bâra ba sin ingni ra sakisa.

Job 22:13

¿Nahki man sip sma wiaia, Gâd lika diara tânka briras sa, baha klaut nani ba mita munan sip lâ aisi daukras sa?

Job 24:17

Yu ingnika ba witin nani mapa ra tihmia tara pali sa, kau yamni lukisa tihmia ra sibrinka ra.

Job 3:13

Yang ba pruri kata kaka, nanara yang âiyapah pali yapi kaia kapri, kupi kumi lâka ra sâp prawi kaia kapri,

Job 3:5

¡Aitani lukaina, kasbrika distika tara kum bui tihmia dingkan kata, apia kaka kasbrika siksa pali kum bui yu ingnika ba tikan kata, apia kaka aiskura alki, tihmia tara ba mita sirang tara ni ikan kata!

Job 31:3

¿Ban apia, watawikira bara saurakira nani wal ba dukia sa pât tara briaia ba?

Job 38:17

¿Man kaikisma ki ani tani ai durka nani bri ba, baha sibrinka pali prura kingka ba?

Lawana Nani 5:5

Ai wîna ra tara kulki nani ba, mamwanra bûi kaia pliska âpu sa; sasauhkra nani ba, man misbara kaikisma.

Sins Lâka 10:29

Dawan ba kan kahbisa yamni dauki uplika nani ra, sakuna sauhki tikisa ya saura dauki nani ra.

Aiseya 29:15

¡Saura pali kabia baha nani ra, Dawan wina yukuwi ba witin nani dîa daukaia aisi ba yukukisa, ai watawika nani yukuwi dauki ba bara witin nani wisa: “Upla wan kaikras. Upla wala nu âpu sa”!

Aiseya 9:2

Tihmia tasbaika ra watauki kan uplika nani ba, ingni tara kaikan; baha nani dista tasbaya ra iwi kan ba, ai purara ingni ba ingwan sa.

Jirimaya 16:17

Daukankam nani sut kaikisna; diara kumi sin yang wini yukuwan ra âpu sa, saura nani daukisma ba yukuwan ra apia sa kaikisna.

Jirimaya 23:24

¿Ya sip sa yang kaikisna ba wina yukuwaia? Kasbrika purara tasba ani anira ra sin yang bâra sna. Yang, Dawan, kasak aisisna.

Matiu 7:23

Sakuna yang mita pana witin nani ra wimna: ‘Yang bui man nani ra mai kaikras pali katna; ¡diara saura baman dadaukra nani, maiwan wina taki was!’

Luk 13:27

Sakuna witin pana mai wibia: ‘Pat mai wîri, man nani ba ani wina sma sapa yang mai kaikras. ¡Yang maiwan wina taki was, man nani saurakira nani!’

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

Hibru Nani 4:13

Gâd wina yukuwaia dukia kumi sin âpu sa. Diara paskan ba sut param sa bara witin ai nakra ra kwâkan sa; witinka ra sika yawan wan dahra nani saki aisaia ba.