Job 34:19 - DAWAN BÎLA AISKA

¹⁹ Witin mita naha tasba wihtka nani mawan kulkras sa, yuyakira ba kau kulkras sa, umpira ba wal, kan witin mita sika sut ra paskan ba.

Job 34:19 ပူးပေါင်းရင်းမြစ်များ

2 Kronikas 19:7

Bara Dawan ra kulkanka yas, bara sin damra wali banhwi bas dîa daukisma ba, kan Dawan wan Gâdka ba, lâ kat daukras nani ra yamni kaikras, pâtkira nani ra ban swin kabia apia.”

Job 10:3

Man mita sika baku ai paskram ba, ¿bara baku aitani lukisma ki, swiri dauki baku ban ai sauhkaia bahki ai kulkaia, bara man mita upla saura nani, diara saura daukaia ai lukanka ra paski ba tâ baikram?

Job 12:19

Prîs nani ba sin ai warkka ba wina sakisa, bara karnika alki bri nani ba batakisa.

Job 12:21

Upla tara kulkanka lâka bri nani ba sin, kulkanka lâka âpu daukisa, karnakira nani karnika ba sin karnikas daukisa.

Job 13:10

Ban kra witin yukuwi dauki natka ra ai tânka pura prakbia kaka, sakuna Gâd mita karna pali lawi daukbia.

Job 13:8

Man nani lukankam ba pura praki aisisma, ¿dîa briaia mai dauki ba tâwan aisisma?

Job 31:15

Gâd kumi ba mita sika wan yapti biara ra paski wan mangkan, witin nani wal baku rayaka wankan sa.

Job 32:21

Upla kumi ra sin mayunamna apia, sut lika kumi baku kulkamna.

Job 34:18

King nani, upla tara kulkan nani ba sut lika saura atia sa kaka, Gâd lika lukras kira tânka ba mawanra mangkbia.

Job 36:19

Pât mai taiban kabia piua ra, man ra hilp âpu kabia; man winankam bara karnikam sut ba lika bahki kabia.

Impakan Sturka 30:15

Bara baha uplika kumi bani rayaka, Dawan mita swaki sakan mana yabia ba, yuyakira kabia, upla umpira kabia sin, sut silbar silin kumi baman yabaia sa.

Sins Lâka 14:31

Upla umpira ra taibi ba, Papaskrika ba mina batakisa; sakuna baha uplika ra kulkanka yabi ba lika, Papaskrika ba mayunisa.

Sins Lâka 22:2

Lalahkira bara umpira ba wal diara sin dukia bri ba; wâlsut ra Dawan mita paskan ba.

Smasmalkra 5:8

Aihka lukpara, kuntri kum mita umpira nani ra taibi brisa kaka; bara karna lâka munisa, kasak lâka bara raitka lâka ra sin; kan war tâ uplika kum, wala kau tara ba mita pura prakisa, bara kau purara tâ aimaki ba mita wâlsut ra pura prakisa.

Aiseya 3:14

Dawan bal upla lâ ra paiwbia, tawan almukka nani ra, wihta nani ra wibia: “Man nani sika wainki nasla ba âpu daukisma; bara umpira nani dukia ba implikram, baha dukia nani ba wamtla nani ra dingki main kaikisma.

Libait Lâka 19:15

“Lâ kat upla lâka daukisma ba ra, kli warha daukpara: upla mita kulkras ba ra sin tâ baikpara, karnika tara bri nani ra sin bawpara. Sakuna lâka ba kasakka lâka dauks.

Apastil Nani Sturka 10:34

Bara Pita mahka aisi, win: —Nanara kasak pali kaikisni, Gâd mapa ra upla sâtka kumi upla sât wala ba wal aihka apia sa,

Roman 2:11

Kan Gâd ba upla mawanka kulkaia lâka âpu sa, sut ba sim sât kulkisa;

1 Korint 1:28

Tasba uplika nani mita mâyara kulki nani bara bahki kulki nani ba sin, Gâd mita bâk sakan sa; tânka ba lika, diara apia nani ba, tara nani ba sauhki tikaia dukiara.

Galesha 2:6

Sakuna baha tâ uplika nani baku kulkan kata ba mita, smalkanka raya kumi sin yang ra aikras; witin nani dîa ai tânka ba yang maipara diara apia, kan Gâd lika upla mawan kulki lâ daukras sa.

Epesus 6:9

Bara man nani, alba dawanka nani sma ba, trai kaiks baha sim natka ra albikam nani ba yarka warkkam dauki kaia, taiban lâka âpu kira. Kupiam krauki bas, man nani wih alba nani wal Dawankam kasbrika purara ba mihta ra sma, bara witin lika upla kumi ba upla wala wal aihka baku kulkras sa.

Kli Smalkanka 10:17

kan Dawan man nani Gâdkam ba, Gâd nani gâdka sa, bara Dawan nani dawanka sa. Witin lika Gâd kum ai karnika ba silp brisa, karnakira, sibrinkira pali sa, upla mawanka kulkras, prisant mana sin sip atki briras;

Kolosi 3:25

Sakuna ya saura daukisa kaka, ai saurka lâka mana ba bribia, kan Gâd lika upla kumi ba upla wala wal aihka kulkras sa.

Hibru Nani 12:28

Gâd king aimaki lâka wanki ba lika sip nikbras sa. Baku bamna, kaisa yawan tingki wiaia, bara Gâd ra wan pura suni mayunaia witin brin dauki natka ba kat, wan sulka mayunra ni bara kulkanka ba ni sin;

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.

1 Pita 1:17

Man nani bui Gâd ra puram sunisma ba ra, witin ra “Aisa” mâkisma, witinka upla mawan kulki kira lâ daukras ba, kumi bani dîa daukan ba kat lâka daukbia bamna; ba mita man nani naha tasba ra iwisma piua aiska ba, witin ra sibrinkira kaia sma.