Job 32:7 - DAWAN BÎLA AISKA

⁷ Bara naku lukri: “Yarka aisabia diara tânka bri bîla ba; mani ailal sinska lâka bri ba mariki banhbia.”

Job 32:7 ပူးပေါင်းရင်းမြစ်များ

2 Kronikas 10:6

Bamna king Roboam bui kupia krauki makabi walan, ai papika Salaman kau raya kan piua ra almuk nani ai mawanra bri kan ba sut ra, bara makabi walan: —¿Dîa kupia kraukanka yang ra aikisma, naha uplika nani ra wiaia?

Job 12:12

Almuk nani ba sins lâka brisa, kan mani ailal tasba ra iwan, diara nani kaikan ba tânka ba wina sins lâka brin.

Job 15:10

Yang nani lika upla almuk nani, man aisikam ba wal kau diara tânka bri banhwisna.

Job 32:9

Mani ailal ba mita upla kumi ra sin sinskira daukras sa, unmaya nani ba mita sin apia sa diara wapni tânka briaia ba.

Lawana Nani 119:100

Almuk nani wal, yang kanra diara tânka brisna, kan man smalkankam lâka nani bîla wali daukisna bamna.

Sins Lâka 16:31

Wan tâwa pihwan ba lika prana tara kraunka kum sa, baha sika kasakka lâka yabalka ra kasak wapi tauki ba tânka.

Hibru Nani 5:12

Piu wihka luan ba wina, man nani lika pat smasmalkra nani kaia kapram; sakuna kau ban man nani want sma upla kum ba, Gâd bîla tânka sirpi lupia nani ba kli mai smalkaia. Man nani uya swapni takram bamna, plun karna piaia watlika ra tiala laya ni disma.