Job 32:21 - DAWAN BÎLA AISKA

²¹ Upla kumi ra sin mayunamna apia, sut lika kumi baku kulkamna.

Job 32:21 ပူးပေါင်းရင်းမြစ်များ

2 Samuil 14:17

King tara, yang warkkam dadaukra mairin, man pana dîa wima ba walaia bîla kaikisna kupi âuyapah briaia. King tara, man ba tnaya bani ra laki kaikisma, yamni bara saura ba, sim Gâd insalka baku. ¡Baku sin, king tara, Dawan Gâd ba man wal kabia!

2 Samuil 14:20

Sakuna witin naha daukan ba, diara nani taki ba tânka ba wiria natka wala ra lakaia dukiara. Ban sakuna, king tara ba sinskira pali sa, Dawan insalka kum baku sa, naha kuntrika diara nani taki ba tânka ba sut brisa.

Job 13:10

Ban kra witin yukuwi dauki natka ra ai tânka pura prakbia kaka, sakuna Gâd mita karna pali lawi daukbia.

Job 13:8

Man nani lukankam ba pura praki aisisma, ¿dîa briaia mai dauki ba tâwan aisisma?

Job 32:20

Sturi brisna mai aisi âuyapah takaia, pana diara mai wiaia brisna.

Job 32:22

Kasak pali, yang maiyuni aisi kaia sip apia sna; ¡baku daukamna kaka, Papaskra ba mita klala aikbia si!

Job 33:3

kunin âpu wal mai aisaisna, dîa lukisna ba param pali mai wiaisna.

Job 34:19

Witin mita naha tasba wihtka nani mawan kulkras sa, yuyakira ba kau kulkras sa, umpira ba wal, kan witin mita sika sut ra paskan ba.

Lawana Nani 82:2

“¿Ahkia kat man nani kunin lâka ba dauki kama, bara upla watawikira nani hilpka wisi daukisma ba takaskaia?

Sins Lâka 24:23

Baku sin naha bîla nani sin sinskira nani aisin bîla ba: Yamni apia sa lâ aisi daukaika iwaika ra upla mawanka kulkaia.

Sins Lâka 28:23

Ya upla kupia krauki ba naika ra kupia yamni lâka kau kanra saki bribia ai twisa lalalni upla nina baman aisi ba wal.

Libait Lâka 19:15

“Lâ kat upla lâka daukisma ba ra, kli warha daukpara: upla mita kulkras ba ra sin tâ baikpara, karnika tara bri nani ra sin bawpara. Sakuna lâka ba kasakka lâka dauks.

Malaquía 2:9

Bamna man nani bui yang bîli wali daukras kapram ba mita, upla nani lâ kumi baman briaia smalkras kapram bamna, yang daukamna upla sut man nani ra saura pali bahki mai kulkaia.” Karnika sut bri Dawanka ba, naha aisisa.

Matiu 22:16

Bara ai uplika tila nani, Herod uplika nani kira blikan Jisas ra wiaia: —Smasmalkra, yang nani pain kaikisna man ba kasak kat aisisma, bara upla nani aisi ba kulkras Gâd yabalka ba kat kasak smalkisma, kan man ba upla mawanka ba kulkras sma bamna.

Kli Smalkanka 1:17

Upla lâka aisi daukisma ba ra, uplika ba mawan aihka kulkpara, kulkanka sirpi bri uplika ba, kulkanka tara bri uplika lâka ba wal baku daukaia. Upla kumi sibrinka sin briaia apia, kan lâ daukaia ba Gâd warkka sa. Sakuna lâ kum man nani daukaia karna kabia kaka, baha lika yang ra laks, bara yang daukamna.’

Kli Smalkanka 16:19

Upla nani mawanka luki kulkpara; upla kum kum wihki wala nani wal sât aihka kulkpara, bara yarka sturi bahki ni kupiam alkbiara, kan sturi bahki aisi ba sinskira nani nakra prakisa bara sturi kasak aisi uplika nani aisinka ra sin sauhkisa.