Job 31:8 - DAWAN BÎLA AISKA

⁸ Dîa yang mangkri ba wina upla wala pibia, bara dîa mangkri ba wakia wal daikan kabia.

Job 31:8 ပူးပေါင်းရင်းမြစ်များ

Job 15:30

Tihmia ba wina sip swak takbia apia, inta wahia kumi urhwi takaia kan pauta mita angki ba baku, ai tangnika nani ba pâsa mita dakbi ba baku sin.

Job 18:19

Ai uplika nani tilara ai kiamka sin âpu kabia, ai watla bilara sin upla kumi sin raya swin kabia apia.

Job 20:18

Dîa dîa yamnika brin ba sut lika kli laki yaban kabia, yuyaka bri ba wina tâ baikanka, apia kaka liliaka kum sin bribia apia.

Job 24:6

Upla wala nasla ra plawar wahbaia auya, apia kaka kli upla watawikira nani wainka nasla ra pliki auya.

Job 31:12

Sauhki tatikra pâta klauhanka kum baku kabia, dîa brisna ba sut sauhki tikan kabia.

Lawana Nani 109:13

Witin ai kiamka nani ba sin âpu daukbia, ai nina taitilka ba sin diki sakan kabia.

Libait Lâka 26:16

man nani wal yang naku daukamni, sibrin man nani puramra blikamna, pruaia sikniska, rihka, nakra siknis saura nani, biawaia; kupiam kriwan takaia; insla warkka daukaia sip apia kama, kan waihlam nani bal namsla mâ mangkram ba pi kabia.

Miqueas 6:15

Saumuk mangki kama, sakuna mâ krikma apia; oliv mâ nani sin taibi kama, sakuna baha batanka laya ba, man nani dukiam kabia apia; wain mâ ba sin taibi kama, sakuna laya ba man nani dima apia.

Jan 4:37

Bamna kasak pali sika, sturi aisanka kum naku win ba: ‘Upla kum mâ mangkisa bara upla wala sika mâ kriki ba.’

Kli Smalkanka 28:38

Saumuk nani ailal tasba ra mangkma, kuna wiria baman wahbi kama, kan tristrisia nani bui sut sauhki kabia bamna.

Kli Smalkanka 28:51

Daiwram luhpia nani sut pibia bara tasbayam wina patam mâ sâkma ba sin, sut prui tiwbia ba kat; plun saumukka, wain, batana, bîpkam, sîpkam luhpia sin swibia apia, bara plun bla pruma.

Jasua 22:22

—Gâd nani sut Dawanka bara Gâdka ba, witin nu sa yang nani dîa luki naha altarka paskri ba, witin mapara buaia, apia kaka witin wina tnaya ra tawaia dukiara. Baha witin nu sa, bara witin baha nani sut tânka ba man nani ra mamrikbia. Baha baku daukaia tâka sa kaka, yang nani ra raya ai swipara.