Job 31:4 - DAWAN BÎLA AISKA

⁴ Apia kaka, ¿dîa daukisna ba Gâd kaikras, bara mini lulkanka bani ba sin kaikras?

Job 31:4 ပူးပေါင်းရင်းမြစ်များ

Blasi Sturka 16:13

Agar Dawan wal aisin bamna, witin ai nina ba naku mâkan “Dawan diara kaiki ba”, kan witin naku aisin bamna: “Dawan bui yang ra ai kaikan bara yang kau raya sni.”

2 Kronikas 16:9

Kan Dawan kasak pali kaikisa naha tasba ra dîa taki nani ba, bara sin witin ra bîla kaikanka bri nani ra, tâ baikisa ai kupia aiska ni. Naha kat man saura daukram sinskas baku, baha mita naiwa wina ai kainara war kau karna brima.”

Job 11:11

Witin ba kaikisa ya ba kuninkira sa, upla saurka ba sin witin kaikisa. Apia kaka, ¿man lukisma ki witin baha tânka briras sa?

Job 14:16

Bara nanara mini lulkanka bani ba, aihwaki kaikma kaka, saura daukri ba kaikaia apia kapram;

Job 23:10

Mini lulkanka bani witin kaikisa, tâinka pliki kaikbia kaka, aihwa kamna gul aihwa ba wal baku.

Job 24:23

Gâd mita ban swika raya iwi kabia pât sin âpu, sakuna ai mina lulkanka bani ba aihwaki kaiki kabia.

Job 28:24

Bamna witin kaikisa tasba tnata pali ba kat, bara kasbrika purara ba mununhtara dîa bâra ba sin.

Job 31:37

Gâd ra daihra kwahkanka nani sut ba wimni, sunu lâka ra witin ai mawanra wih buamna.

Job 34:21

Gâd ba upla nani mina lulkanka ba aihwaki kaikisa, bara ai wapanka ba sut tânka brisa.

Job 36:7

Piua bani upla wapni nani ba kan kahbisa, king nani ai iwaika ra iwi nani ra tâ baikisa, baha nani ba purara bukisa.

Lawana Nani 44:21

Man pat baha ba damra walaia katma, kan man sika diara yukuwan ra bâra ba, sut pali kaikisma.

Sins Lâka 15:3

Tasba bani ra, Dawan nakra bâra sa; saura nani, yamni nani sut purara aihwaki kaikisa.

Sins Lâka 5:21

Dawan ba kaikisa upla daukanka ba; witin ai nakra wina, mina lulkanka kum sni tiwras.

Jirimaya 16:17

Daukankam nani sut kaikisna; diara kumi sin yang wini yukuwan ra âpu sa, saura nani daukisma ba yukuwan ra apia sa kaikisna.

Jirimaya 32:19

Lâ nani aisisma ba warkkam nani, daukisma ba karnika tara pali brisa. Upla nani diara dauki ba man sut kaikisma, bara witin nani dauki ba tânka kat kli yabisma.

Daniel 5:23

Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.

Jan 1:48

Natanael makabi walan: —¿Nahki ai kaikisma ki? Pana Jisas bila: —Pilip kau mai winras kan ba ra, yang pat mai kaikri kan, kwah damni dusa mununhtara katma ba ra.

Hibru Nani 4:13

Gâd wina yukuwaia dukia kumi sin âpu sa. Diara paskan ba sut param sa bara witin ai nakra ra kwâkan sa; witinka ra sika yawan wan dahra nani saki aisaia ba.