Job 31:34 - DAWAN BÎLA AISKA

³⁴ Upla nani sîa yu kumi sin yang durki praki sâp takras, waitla bîla uplika sîa sin apia.

Job 31:34 ပူးပေါင်းရင်းမြစ်များ

2 Kronikas 32:18

Senaquerib warkka tâ uplika nani mita Jerusalem uplika nani tawanka kutban bilara banhwi kan ba ra, ai bîla tara winan Hibru bîla ra, sirang ikaia dukiara, baha ningkara pura lui tawan ba briaia.

Nihimaya 13:28

Bara prîs tara Eliasib luhpia waitna Joiadá luhpia waitna nani tila wina kumika ba Sambalat, Horón wina kata ba dapnika kan, baha tâwan maiwan wina munri plapan.

Nihimaya 5:7

Bamna yang aman luki kaikri bara wihta nani ba bara wark tâ brabrira nani ra sin lawi daukri, witin nani ai taya ai tawanka uplika nani purara nahki wirhika baku kahbisa. Bara baha purkara paiwanka tara kum paiwri upla sut witin nani ra balaia, baha lâka aisaia.

Ester 4:11

“King dukia dadaukra nani sut ra, bara king tasbaya ra iwi uplika nani aiska tânka brisa, ani uplika king mita paiwras kan kaikaia wisi wabia bara king watla tasbaya pîska ba ra dimbia kaka, naha uplika mapara lâ kumi baman bâra sa, baha uplika ba pruaia sa. Apia kaka, king ba mita ai dusa gul ni paskan ba ni baha uplika ra sâkbia kaka lika, sip kabia rayaka ba swaki sakaia. Bamna yang ra kau ai winras sa naha yua nani, yu 30 na bilara king ai mawanra waia.”

Ester 4:14

Bara man naha yua ra diara aisaras bîlam praki sâp kama kaka, Ju nani prika lâka ba tani wala wina balbia, sakuna man bara papikam watla uplika nani sut ba lika prui âpu tiwi banhma. ¡Ya pan nu sa, man naha awarka na baha dukiara kwin lâka ra waram sapa!”

Job 22:8

¡Man ba karnakira pali bara kulkanka lâka brisma, bara luki kapram man ba tasba na dawanka!

Job 34:19

Witin mita naha tasba wihtka nani mawan kulkras sa, yuyakira ba kau kulkras sa, umpira ba wal, kan witin mita sika sut ra paskan ba.

Impakan Sturka 23:2

“Upla ailal pali witin ai saurka dauki auya ba nina blîkpara. “Witin nani diara warha daukaia dukiara lâ mapara aisi nani wal ba lâka ra tniwpara;

Impakan Sturka 32:27

Bara Moses bui witin nani ra naku win: —Dawan, Israel Gâdka ba, naku aisisa: ‘Man nani kumi ba sord ba alkma, bara kumi kiamp ra kli tawi wama. Man nani muihkam ba ikma, lamara iwi nani ba, uplikam nani ba sin sut ikma.’

Sins Lâka 29:25

Upla ra uya sibrin briaia ba wan mina alkaia kiwka wan mangkisa, sakuna Dawan ra luki tniwi uplika ba laih purara bukan kabia.

Jirimaya 38:16

Sakuna king Sedequías yukuwan ra Jirimaya ra swer taki aisin: —Dawan ra luki yang bui man ra swer takisna, witin yawan ra wan rayaka wankisa, mai ikaia mai blikamna apia, baha nani mai ikaia luki ba mihta ra sin mai mangkamna apia.

Jirimaya 38:19

Sedequías pana witin ra win: —Sakuna yang sibrin ai daukisa, kan Ju nani tila sin Caldea uplika nani tilara dimi aiklabisa, bara baha nani ai alkbia kaka ai sauhkbia.

Miqueas 7:3

Witin nani lika, diara saura daukaia smasmalkrika nani sa; wark lalka tara nani ba, pana yabia dukiara taibi munisa, lâ dadaukra nani ba ai mana tara kulki implikisa; upla tara karnika bri ba sin, ai kupia brinka ba kat baman lâ nani ba daukisa, bara tawan uplika nani sin witin nani dauki ba wal warha daukisa.

2 Korint 5:16

Baha mita, yang nani kum dukiara sin tasba uplika nani luki ba baku kli lukras: Kraist dukiara sin kanra yang nani tasba uplika nani luki ba baku luki kapri; sakuna nanara yang nani witin dukiara kli baku lukras.