Job 31:15 - DAWAN BÎLA AISKA

¹⁵ Gâd kumi ba mita sika wan yapti biara ra paski wan mangkan, witin nani wal baku rayaka wankan sa.

Job 31:15 ပူးပေါင်းရင်းမြစ်များ

Nihimaya 5:5

“Yang nani muihki aikuki tawanki kumi kiamka sna; yang nani luhpi nani witin nani ai luhpia nani wal sim sât sa. Ban sakuna kaiks, yang nani luhpi waitna nani bara luhpi mairin nani alba lâka ra pat mangki banhri sa. Pat baku daukan sa luhpi mairin nani tila pat alba lâka ra sa, sakuna yang nani sip takaskras, kan tasbayi nani bara wan nasla nani sin pat upla wala dukia takan sa bamna.”

Job 10:3

Man mita sika baku ai paskram ba, ¿bara baku aitani lukisma ki, swiri dauki baku ban ai sauhkaia bahki ai kulkaia, bara man mita upla saura nani, diara saura daukaia ai lukanka ra paski ba tâ baikram?

Job 31:14

¿Nahki natka wala ra, yang sip kamna ki Gâd mawanra buaia? ¿Dîa aisamna ki witin diara ai makabi walbia ba ra?

Job 34:19

Witin mita naha tasba wihtka nani mawan kulkras sa, yuyakira ba kau kulkras sa, umpira ba wal, kan witin mita sika sut ra paskan ba.

Job 4:17

“¿Upla kumi sip sa ki Gâd mawanra kasakkira kaia, bara ai Papaskra mawanra sunukira pali takaia?

Lawana Nani 119:73

Mihtam ni ai daukram bara sin ai paskram; sins lâka aik, bara man lâmka bîla nani lan takamni.

Sins Lâka 14:31

Upla umpira ra taibi ba, Papaskrika ba mina batakisa; sakuna baha uplika ra kulkanka yabi ba lika, Papaskrika ba mayunisa.

Sins Lâka 22:2

Lalahkira bara umpira ba wal diara sin dukia bri ba; wâlsut ra Dawan mita paskan ba.

Aiseya 58:7

Plun wahwi nani ba wal, patam ba wina yuaia, umpira nani aimawahki tauki nani ba wamtla ra bris, kwala luha nani ba kaikma bara dimaika yama, bara man muihkam nani pât ra ba hilpka daukaia.

Malaquía 2:10

¿Yawan sut Aisa kumi baman brisa, ban apia? ¿Yawan sut Gâd kumi mita wan paskan, ban apia? ¿Bamna dîa kan yawan pana pana kunin muni wan damika nani, Gâd wal lâ daukan lâka ba krikisa?