Job 29:14 - DAWAN BÎLA AISKA

¹⁴ Kasakka lâka bara wapni lâka ba yang wîni pîska kum kata, baha nani ba yang prâika kan bara yu bani dimi kapri.

Job 29:14 ပူးပေါင်းရင်းမြစ်များ

Job 27:5

Yang raya kamna yua sut ra, pâtkas sna ba ban kamna; ¡aitani kulkamna apia man nani daihra kwahki banhwisma ba!

Job 27:6

Upla yamni sna bamna, yarka tilira dimbia apia, bamna maipara saura ai wiaia ba âpu sa.

Job 31:36

Mayunra lâka kira yang wal brih wamni, kraunki baku sin laila ra mangkamni.

Lawana Nani 119:121

Yang lâ wapni kasak ba daukri, waihli nani mihta ra ai swirka ai taibi kabiara.

Lawana Nani 132:9

Prîskam nani ba swaki sakan kwalka ni dingkan kabia; uplikam aihwa nani ba ai lilia wini kabia.

Aiseya 28:5

Baha yua ra karnika sut bri Dawanka ba, ai uplika kau tâka swin ba kraunka pranakira aimakbia, yamni kulkan kraunka pranakira ba baku kabia;

Aiseya 59:17

Dawan ai kasakka lâka ba ni ai lama prakaika kum baku diman. Ai lal ra sin swaki sakan sumurka ba bapan; pana munaia kwalka ba brih bara ai prâka baku diman. Bara ai kupia baiwaia lâka ni ai pura prâka tara baku diman.

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Aiseya 62:3

Bara man ba mayunra kraunka kum kama, Dawan mihta ra bara king tasbaya kraunka kama man Gâdkam mihta bilara.

Sakaraya 3:5

Bara insal ba kli ai walka nani ra win, kwala tâski âpu Jasua lal ra wilkaia. Witin nani baha ba daukan, bara kwala pranakira ba sin dingkan. Insal ba lika bâra bûi kan.

Roman 13:14

Sakuna, Dawan Jisas Kraist ba ni war aiklabaia prâka baku dims, bara wînam brinka saura nani baman pliki dauki âmyapah kaia upla natka kaia lukpara.

2 Korint 6:7

diara kasak pali dukiara smalkanka yabi banhwisna ba bui bara Gâd karnika ba mita sin. Aiklabaia dukia wapni pali ba yus muni banhwisna, wan dukiara aiklabi pura luaia ba dukiara bara wan mapara aiklabaia aula ba mapara sin.

Epesus 6:14

Bahamna ban bapi bûi banhwi bas, kasakka lâka kwalka ba ni dims, bara wapni lâka ni kainam suni bas.

Kli Smalkanka 24:13

titan pali lapta uluya ra pat laki yaban kaia sa, yapaia wabia piua ra, baku ai kwalka ai pura bikaia bri kabia. Baku witin mita yamni mai munbia, bara Dawan Gâdkam mawanra wark pain dauki kama.

1 Tesalonaika 5:8

Sakuna yawan lika kakna uplika nani, baku bamna, wan dahra pain wali kaia sa. Yawan na kasak lukan lâka bara latwan lâka wal wan kaina kahbaia sa, sim suldiar kum ai lal prakaia dukia ni ai kaina kahbi ba baku. Baku sin yawan na swaki sakan lâka ba wan kanra bîla kaikaia sa.

Param Marikanka 19:8

mairka bara linin kwalka painkira, klin bara ingnikira yan diman sa.” Linin kwalka pain ba lika, Gâd uplika nani ai rayaka wapni bri ba tânka sika.